Zefania 3:11 - Iaai Bible 1901 (New Caledonia)

¹¹ Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Zefania 3:11 ပူးပေါင်းရင်းမြစ်များ

Salamo 131:1

IEHOVA lö, e ca bi gan hnyekuk, kʼ ame ca hop li emakök; Ke oge me ca vheno ta je ûnyi ae gan hmâ, Me ta je ûnyi ae iyong huk.

Salamo 49:5

Hnân eû oge me he ka ot hnyi je bong ae kong, E ka igigili nya hnen hulo wale at ame beweny he ka hwo hwabök?

Salamo 59:12

Can hnödra hna hulo ge hnyimödra, me hofuciny je esongodidra, E so adre me he ka nuc ödra hnyi anyidra bi gan, Ke can ûhangö me thoi adre me ha.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Isaia 5:15

Ke ame nom ju hoûmonu, ke adre me hom hnyikânâi je taben, kʼ adre me ohnyikânâ li emakan at ae begörany:

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Isaia 61:7

Ame he ka lo li hwaban köbun, hwaban anyibun hmehma; ke hwaban imonumonuny adre me he ka senyinâ jekhöûdra; anyin a wale adre me he ka olo hu hnyi idra hnyei: kʼ adre me he bi ka senyin nyiele balua.

Jeremia 13:9

Walang hna ha hn Iehova, ka habe, Helâe oge me he ka okongoâ hnyok bi gan anyi Juda, me hnyok bi gan ae gan hmâ anyin Jerusalema.

Jeremia 7:4

Ca he öbun ka labageju ka ta je hofuc thoi me ha, ka habe, Umo Iehova, umö Iehova, ödrin hia eang.

Ezekiela 20:40

Anyin a hnyi hon anyik bucen ae kap, hon bucen dok ae gorany hnyi Isaraela, haingen Than Iehova, ame he ka bi athnyabaik eling hnyi hnyei hnen lap anyi Isaraela hia, a ödra hia thithö; oge me he ka köp ödra eling, ke oge me he ka elâm eling anyibun je bwihlany, me je hudiny anyibun wan a bân, me anyibun ta je ûnyi hia ae kap.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Numera 16:3

ke ödrin e ûkhacaköu kö Mose me Arona, me ha ködru, ka habe, Öbu me bi gan, anyin ae tha kap ûkhacaköu hia a ke at me ke at, ke e unyidra Iehova: anyin a wale ieû gabu öbu me ogöranyi öbu bi hon ûkhacaköu hia anyi Iehova?

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Roma 2:17

Ke a ne iâm bi ien at Juda, ke u me gejon hnanyibu, me hobeluâ Khong,

Roma 9:33

helâ me hna sihnalimen, ka habe, Wâ bi, inya oge me ip hnyi Ziona veto hnân othöâ me kic hnân öüo: Ke ame ca he bi ka hmehma at ame labageju kâu.

I. Peteru 2:6

Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.