Zefania 2:7 - Iaai Bible 1901 (New Caledonia)

⁷ Ke haba hobat köiö, me ame he ka hnân hobi kâu je kolon lap anyi Juda; kʼ adre me he ka han haledrin ta je hnahat mamoe eling: kʼ adre me he lû mokulec je uma umo Asekelona hnyi sahac; anyin ame he Iehova Khongudrin ka senʼ ödrin, me ohmetu ödrin ûhedrin hnyi hna bâ.

Zefania 2:7 ပူးပေါင်းရင်းမြစ်များ

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

Salamo 80:14

Khongon sabaoth lö, Ö u hmetu ju: Wâ ju ûnyi hnyi drany, me wâ me senâ vine ang,

Salamo 85:1

IEHOVA lö, u je hia but betenge ka em hnyei: U je hia but ohmetuhmetu Jekob ûheny hnyi hna bâ.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 32:14

anyin adre me he ka hna bi uma ae mec, adre me he ka degec taun ae ti hu aten; ame he dok ae hut me tap tue ka hnân op nyiele balua, hnân senyin hnen je asinainy hnyot, hnân han tot hnen ta je hnahat meno;

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 29:10

Anyin a walang hna ha hnö Iehova, ka habe, E ka bekhot dö ta je huna a sevente hnyi Babulona, oge me he ka senʼ öbun, me ohwâdâ köbun hok hofuc ae so, mʼ adre me ohmetu öbun ka hnyi dok ang.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 31:7

Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Jeremia 33:12

Walang hna ha hnö Iehova tuhan sabaoth, ka habe, Hnyi dok ang ae ba wan, ke ba minya at me meno, me hnyi ta je tauniny hia, ame he ka hu hnyaban tavat tuö mamoe, adre me mokulec haledra je hnahat mamoe.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Ezekiela 39:25

Anyin a wale, walang hna ha hnen Than Iehova, ka habe, Oge me he walang ang ka ohmetu Jekob ûheny hnyi hna bâ, me betenge hia ge lap anyi Isaraela; me oge me he bi nya ka ciâ can iök ae kap.

Hosea 6:11

Ke u minya Juda lö, adre hia but thu bongon subö hwit hobi köu, waleji hnyi hnok hna ohmeto lakeik ûhedra hnyi hna bâ.

Obadia 1:19

Ke ame he aten Hwaiöu ka hu bucen anyi Esau; kʼ ame he tavat aten dok ae tha hon ka hu hnyei iny at Filisiti: kʼ adre me he ka hu utkânâ hnyi Eferaima, ke utkânâ hnyi Samaria; ke haba Gileada, me ame he ka iny Beniamina.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Zefania 2:9

Anyin a wale, haingö Iehova tuhan sabaoth, Khongu Isaraela, ka habe, Kia inya inya a gʼ ame he Moaba ka ûcû me Sodoma, kʼ ame he lakon Amona ka ûcû me Gomora, a iny jut vhat, ke thopiny sâlt, ke ba wan nyiele balua: kʼ ame he je kolon lakeik ka sei ödra, ke ame he je kolon hnyi ik hnyei ka hwöhwabödra.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Zefania 3:20

Ke hnyi ûen eling oge me he ka hum öbun, ke hnyi ûen eling oge me he ka ûkhacaköu öbun: ke oge me he ka wiʼ öbun mʼ adre me lung me ogânâ unyin ta je hnyei hia eang hmeledrany, iny ka he ka ohmetu öbun ûhebun hnyi hna bâ wale hnyi hnyimaköbun, haingö Iehova.

Hagai 1:12

Me haba Zerubabela nöku Sealetiela, me Josua nöku Jozadaka, at bihut ae beö-nua, me je kolon hia hnyi hnyei, me adre me long hoton hofuc ho Iehova Khongudrin, me hofuc ho Hagai perofeta, hoton hna kunâ ga Iehova Khongudrin; ke ame ootö Iehova hnen tavat.

Hagai 2:2

Ha thö walang ang kö Zerubabela nöku Sealetiela gavenainy Juda, ke Josua nöku Jozadaka at bihut ae nua, ke kolon tavat, ka habe,

Luka 1:68

E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Luka 7:16

Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Ta je huliwa 8:26

Haba angela anyin Than ame ha kö Filipo, ka habe, Todrö, he thö ka hnyi hwaiöu, ka hnyi gethen ûheny Jerusalema Gaza ai: wale hnyebuba.

Ta je huliwa 8:40

Ke adre ô Filipo hnyi Azota: ke e ame khetâ tilâ ûthumetu ae so hnyi ta je taun hia ke ne o but e ame o hnyi Kaisaria.

Roma 11:5

Ke helâe minya walang ang, e hu wan hoton hna ûca hnen ibetengiö baû.

Rutha 1:6

Me e ame todrö me laûngon, me hmetu ûheny hnyi hnyei Moaba: anyin a long ut hnyi hnyei Moaba a Iehova ame senâ lakeiny me me ha ödrin.