Zefania 2:11 - Iaai Bible 1901 (New Caledonia)

¹¹ Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Zefania 2:11 ပူးပေါင်းရင်းမြစ်များ

Genese 10:5

Unyi gadrin adre me khenâ ta je bomeneiny ta je dökhu hnyi idrin je hnyei, hoton je ve hwen hodra; hoton anyidrin je lap, hnyi dökhudrin je dökhu.

Salamo 138:4

Iehova lö, ame he je tuhan hmeledrany hia ka oleâ köu, Anyin adre hia but long hofuc ûnyi hnyi hnyimâm.

Salamo 72:17

Amo he ka tethmâ ien nyiele balua; Kʼ ame he ka e bala bi e ka tiga hu seûno ethö: Ke ame he ka hnahic tavat ûnyi gan; Ame he ta ogo hnyei hia ka ha a e ame senyin.

Salamo 86:9

Than lö, ame he ta je hnyei hia thithö u je op ka o me khudrung ju hnyi hnyimâkâm, Me adre me be ka ogânâ iâm.

Isaia 2:18

Ke ame he ka hia hia but ta je idola.

Isaia 2:20

Ke hnyi bong eling amo he tavat ka degec anyidra je idola sileva, me anyidra je idola gol, waleji adre me tibet hnân hic kodra, adre me he ka degec ka je afora, ke ta je obûbû bi;

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Jeremia 46:25

Haingö Iehova tuhan sabaoth, Khongu Isaraela, ka habe, Wâ bi, oge me he ka bi hwaban kö Amona ûheny No, me Farao, me Aigupito, tha e me je khongon, me je thaniny; wale Farao, me tavat adre me labageju kâu:

Daniela 11:18

Hwaban dö e, e ame he ka hnyimakan ka hnyi je bomene, me hûgûnâ keihen ae se: ke haba ke than ame he bi ka biobiny hnen hna haikongoâ; eke, e ame he ka wia kongon kâu bi.

Hosea 2:17

Ke oge me he ka hom but ien je Baala ûnyi hnyi hnyimen, ke adre me ca he hmetu ka ûnykûmi ödrin hoton je iödrin.

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Zefania 1:4

Ke oge me he ka hai hnyamok ka hnyi hon at Juda, ke tavat hia adre me laba hnyi Jerusalema; ke oge me he ka subâ degecâ ûnyi hnyi dok ang je kolon Baala, ke ien tavat bihut ka je hnatheat, tha ödra me tavat bihut;

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Zakaria 8:20

Walang hna ha hnö Iehova tuhan sabaoth, ka habe, Ame he hmetu ka o tavat, ke aten ta je taun ae se hia:

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Deuteronomi 32:38

At ame an pipikhenyainy anyidrin je hut, Me ijem wainainy je hudiny anyidrin ic? E so ödrin e köûö me hadruʼ öbun, Me bi hnabâ hnân hobi köbun.

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.