Zefania 1:7 - Iaai Bible 1901 (New Caledonia)

⁷ Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.

Zefania 1:7 ပူးပေါင်းရင်းမြစ်များ

Jobu 24:1

IEÛ can ame ca he Ataekhanahia ka thu je ûen? Ke hawa a gʼ ame ca wâ bongon je bong hnen tavat ae khanʼ ödra e?

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Isaia 13:3

Oge hia but hûna ka anyik wakap, eke, oge hia but hawâ je atök a tavat hwege he ka ohwâdâ anyik hmonyin, a je atök adre me hobâ me bi gan.

Isaia 13:6

Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Isaia 34:5

Anyin a sekon dut anyik hele vat ge hnen hna ijem hnyi drany: wâ bi, e ame he ka utut hon Edoma me hon tavat oge me hangâ, mʼ adre me owisa.

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Ezekiela 7:10

Wâ bi bong, wâ bi e ame o thö: a o thö hnâm hna saû, kʼ ame vhong uci, e hlau but bi gan.

Ezekiela 7:7

At ame labâ hnyei lö, ame o but hna saû gam: ame o but ûen, ke hakekeny jut bong; a bonginy imonumonuny ke ca bong bi hnân hongot senyin hon je bucen.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Amosa 6:10

Ke ame ne he ke kamen ka vadren at, wale at ame thong degecâ e, kʼ ame hom but je jö ûnyi hnyi hnyin uma, ke ame he ka ha ka at eiö hnyauma, ka habe, E hu at biju unyâm? me e ame he ka thu, ka habe, E ba; me e ame he ka ha, ka habe, Laba hnyibû ju; anyin ate me ca he ka ha iö Iehova.

Amosa 8:3

Ke haba je khu-möng hnyi uma kap, me ame he ka helâ me kuku tenge hnyi bong eling, haingen Than Iehova: kʼ ame he ka se hia ta je komok; kʼ adre me he ka khûâ hnyibu ödra hnyi je dok hia.

Habakuka 2:20

Ke e bi Iehova hnyi hnyin umen uma ae kap: e so ame he hmeledrany hia ka laba hnyibû ju hnyi hnyimakan.

Zefania 1:14

E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

Zakaria 14:1

WA bi, ame he ka o bong bongu Iehova, ke adre me he ka khenâ hnyi wanbâm hna söh.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 22:4

Me e ame kunâ hmetu ke je lathnyaba me ha, ka habe, Ha thö ka tavat adre hia but hawâ, ka habe, Wâ bi, oge hia but penapena anyik bijeû: kʼ adre hia but hlingâ halek je bolok ke halek je meno ae pipikhenya, kʼ adre hia but penapena ta je ûnyi hia: ai öbun ka hnyi bijeûiny faipoipo.

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

Roma 9:20

Ohe, at lö, u ia u me ivinö me Khong? Hawa, ame he ûnyi adre op ka ha ka at ame op e, ka habe, Ieû gam u ine up nya helâng.

Filipi 4:5

E so e he tavat hia thithö ka wâ anyibun menyik. Wale but ang Than.

Kolose 1:12

ate me ole ka Kamen, waleji at a oûcû öta he ka hnyi hu jekhoû unyin wakap hnyi melam:

I. Samuela 16:5

Me haingen, ka habe, Oge me o hnyi ûsoköu he ka bi hut kö Iehova: okabi öbun dö, me tha he thö mönya ka hnyi bi hut. Ke e ame okabi Jese me lakon, me hawʼ ödrin he ka hnyi hanen hut.

I. Samuela 20:26

Ke so bi e ba hofuc ho Saulo hnyi bong eling: anyin a haingen, ka habe, Ame ne o kâu ke ûnyi, ame ne ca bo so; eke, e ca bo so.