Zefania 1:12 - Iaai Bible 1901 (New Caledonia)

¹² Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Zefania 1:12 ပူးပေါင်းရင်းမြစ်များ

Jobu 21:15

Ia Ataekhanahia mʼ ohmun e he ka bi athnyabainy? Ke ieû troban kohmun, ohmun ka he ka hic kâu?

Salamo 10:4

Haba at ae kong, ûnyi hnyi bi ganiny hnyimakan, ame ha, ka habe, E ame ca he ka elâm e. Ke haba hnen je hna ûnykûme hia, ka habe, E ba bi Khong.

Salamo 14:1

HAINGEN at ae monu eû hnyi hnyekon, ka habe, E ba Khong. Odra bo kong, adre me ânyâ ta je huliwa ae ikiki; E ba at ame mâdrâ so.

Salamo 94:7

Haingödra, ka habe, Ame ca he Ja ka wâ, Kʼ ame ca he Khongu Jekob ka wâhmakhmetoâ.

Isaia 5:19

tavat adre me ha, ka habe, E so e ame logot, e so e ame mweimweiâ anyin huliwa, mʼ öhmun e he ka wâ e; ke ohakekenyâ thö, me o but musi anyin Kabiny Isaraela ûse me khanʼ öhmun dö!

Jeremia 10:5

Ödra ûcû me pama adre kave, ke ca khana bi fuc: adre me labö vadren, anyin ae ca khana he. Ca he bi ka outʼ ödra; anyin ae ca khanʼ ödra he ka okongo, ke haba khaca, me ca khanʼ ödra bi he ka ânyâ so.

Jeremia 48:11

Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Obadia 1:6

Ekölö ge hna ûhnei ga Esau! ekölö ge hna elâm omjehen adre oiyongâ!

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

II. Peteru 3:4

me ha, ka habe, Ewa hna ha bânâ a gʼ ame he ka o? anyin a hwân dö hnyi ûen mokut a lakamöta adrem, me ame tethmâ bala ta je ûnyi hia thithö, waleji hwân hnyi hna op ta je ûnyi hia.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.