Zefania 1:10 - Iaai Bible 1901 (New Caledonia)

¹⁰ Ke haingö Iehova, Haba hnyi bong eling me ame he bi ka hu hwatenge hnyi homagouleny wâ, kʼ ame he ka hu kuku tenge hnyi ke keihen a loiny, ke dia ae gan hnyi je hut.

Zefania 1:10 ပူးပေါင်းရင်းမြစ်များ

II. Samuela 5:7

Ke so bi Davita ame hûgûnâ hnabâ wale Ziona; a wale taun anyi Davita.

II. Samuela 5:9

Ke Davita ame laba hnyi hnabâ, kʼ ame hwenyi ien, me, taun anyi Davita. Ke Davita ame up veto igigilo hwân hnyi Milo ke ne o thö eiö hnyin.

II. Je Than 22:14

Me haba Hilekia at bihut, me Ahikama, me Akebora, me Safana me Asaia, ödrin e he kö Huleda perofeta momo, öiö Saluma nöku Tikeva, nöku Hasera, at tuö khaû; (ke haba momo ame laba hnyi Jerusalema hnyi ke keihen a loiny); me ödrin e ûhnenamö me momo.

II. Man Ûlabainy Je Than. 3:1

ME haba Solomona ame hwân he ka op uma umö Iehova hnyi Jerusalema hnyi bucen Moria, waleji a manen hnyin Iehova kö Davita a kamen, wale e ame penapena hnyi dok ame kû Davita hnyi hna huje hwit anyi Aruna at Jebusi.

II. Man Ûlabainy Je Than. 32:22

Helâe Iehova ame omeli Hezekia me aten Jerusalema ûnyi hnyi hnyamö Saneribi than Asuria, me ûnyi hnyi hnyamen tavat hia, me su ödrin ka hnyi je ke keihen hia.

II. Man Ûlabainy Je Than. 33:14

Ke hwaban, e me ame op ke hak veto hoton eû taun anyi Davita, hnyi ke keihen e jio Gihona, hnyi hnyigöulen bucen, ke ne o but hnyi gethen ame dit hnyi homagouleny je wâ; kʼ ame khenyi ka hnyi Ofela, me ti op goranyai: ke e ame ip je taben vat hnyi ta je taun hia adre up haginy hnyi Juda.

II. Man Ûlabainy Je Than. 34:22

Haba Hilekia me tavat a kunâ than, ödrin e he ko Huleda perofeta momo, öiö Saluma, nöku Tikeva, nöku Hasera at tuö je ûkhaû; (haba momo eling ame laba hnyi Jerusalema, hnyi ke keihen a loiny;) me ödrin e ûhnenamö me momo ûnyi eling.

Nehemia 12:39

me ethö hon homagöulei Eferaima me homagöule kâû adrem, me homagouleny ta je wâ, me tap ae beû goranyai anyi Hananel, me tap ae beû goranyai anyi Mea, ke ne o but hnyi homagouleny mamoe: me ödrin e todrö hnyi homagouleny uma ceat.

Nehemia 3:3

Ke haba je laku Hasenaa ödrin e op homagouleny je wâ; ödrin e ip je venyâiny, me otilâ je hlinginy hwanumen, me je lâkiny, me je ohmâiny.

Isaia 59:11

Öhmun e kuku hia helâ me je bea, ke kuku tenge tot helâ me je biny: öhmun e halubahingen owisa ke ba bi; me halubahingen ûhomeli ke ûsâkâûö bi möhmun.

Jeremia 39:2

ke haba hnyi huna a eleveni Zedekia hnyi tehi a vakiny, hnyi bong a naniny tehi, adre me thö hmouca haginy taun:)

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Ezekiela 6:13

Ke ame he ka khanʼ öbun a inya Iehova, e ka e but je kokidra hnyi wanben anyidra je idola igigilö anyidra je taben hut, hon je dok ae hut hia ae gorany, me hon ban je bucen hia, me hmelen je ûö hia ae hât, me hmelen je iwajo hia ae wanenec, waleji adre ham hnyin je ûnyi ae bo so ka anyidra je idola hia.

Amosa 8:3

Ke haba je khu-möng hnyi uma kap, me ame he ka helâ me kuku tenge hnyi bong eling, haingen Than Iehova: kʼ ame he ka se hia ta je komok; kʼ adre me he ka khûâ hnyibu ödra hnyi je dok hia.

Zefania 1:15

Haba bong eling bonginy hmonyin, bonginy vec me hlöuhlöu, bonginy hnaûhango me öba wan, bonginy lit me menekholom, bong ae hu ûlâ me khömet,

Zefania 1:7

Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.