Zakaria 9:3 - Iaai Bible 1901 (New Caledonia)

³ Ke haba Turo, me ame ka op hnabâ, me ûkhö-ûnâ sileva helâ me sesâ, ke gol ae so helâ me hmudrainy gethen.

Zakaria 9:3 ပူးပေါင်းရင်းမြစ်များ

II. Samuela 24:7

me o but hnyi hnabâ hnyi Turo, me je taun hia anyin at Hivi me Kanana: ke ödrin e umo hnyi ke keihen Juda hnyi hwaiöu, hnyi Bere-seba.

I. Je Than 10:21

Ke haba je kaia hia hnân ic beli Solomona than, me gol, ke hâhâ je kaia hia hnyi uma ûtoiny Lebanona; me gol ae so: ke ba kaia sileva; kʼ adre me ca oûnyihnatho sileva hnyi bong bongu Solomona.

I. Je Than 10:27

Ke haba than ame osehia sileva hnyi Jerusalema me me helâ me je veto, ke e ame osehia minya je arasi me me helâ me je ûö sukamore, wale ûnyi je hnyei ae hnyikânâ.

Jobu 22:24

Ke so u ma ip ju tang omjehem eû hnyi kânâ, Ke goliny Ofira hnyi je vetoiny je wagewe;

Jobu 27:16

Eja ke ne a ne ûkhöûnâ sileva helâ me kânâ, Me penapena je ûkhaû helâ me kânâ ae kece;

Jobu 3:15

Ke je than a ödra tren gol, Kʼ ödrin e öunöngötâ umödrin je uma ge sileva:

Isaia 23:11

E ame hia but hai hnyamen hon köiö, e ame oöbubunyâ je dokhu: a hia but hûna Iehova ge Kanana, mʼ adre me he ka ohia je hnabâiny.

Isaia 23:8

Ie at ame ûnykûme he ka ânyâ e ka Turo, a at ame ham je korona, ke haba je tuhan, me tavat ûcû omjeû, kʼ ame ûcû omjeû hnyin je at hnathuiny hmeledrany?

Ezekiela 26:12

Kʼ adre me he ka hûgûnâ ta je omjehem, ke söh ânyâm ta je ûnyi adre ûcû: kʼ adre me he ka kia hagâm ta je hak, ke hagutâ umâm je uma ae hmanenang: kʼ adre me he bi ka khûâ hnyi köiö ânyâm je veto me utö me sesâiny kânâ.

Ezekiela 27:27

Haba je omjehem, me ânyâm je hna ûcû, me ânyâm ta je ûnyi hnân ûcû, me je aten hom je hu, me ânyâm tavat adre kû deny hu, me ânyâm tavat bi ouge, me tavat adre me ûco ânyâm ta je ûnyi, me ânyâm tavat vat hia hnyi wanbâm, me ânyâm bunyen hia thithö hnyi wanbâm, adre me he ka tha û eû hnyi köiö hnyi bong adre me he ka hangö u hnyin.

Ezekiela 27:33

Ödra ka oâ tangomjehem ûnyi hnyi köiö, me u je öunöngötâ je hnyei ae se hia: u je otrenâ je thaniny hmeledrany ge ta je omjehem, me ta je ûnyi hnân ûcû ae se hia.

Ezekiela 27:34

Hnyi ûen adre me thu u ge köiö hnyi wanben je köiö ae dit, me a ta but ânyâm ta je ûnyi hnân ûcû me ânyâm je bunyen hia hnyi wanbâm.

Ezekiela 28:1

KE ame o but minya könya hofuc ho Iehova, ame ha, ka habe,

Amosa 1:9

Walang hna ha hnö Iehova, ka habe, Can kun ta monuiny Turo, eke, can vak, me oge me ca he ka ohavâ hwaban e; anyin adre me hna tavat hia ka at Edoma, ke adre me ca ûnykûme ûhihinyköu liamekeiny:

Josua 19:29

ke ame khenyi hnyigot Rama ai ke ne o but Turo wale taun ae hwege; ke ame khenyi hnyigot Hosa ai; ke adre umo e hnyi köiö hnyi ke keihen hnyei Akeziba: