Zakaria 8:3 - Iaai Bible 1901 (New Caledonia)

³ Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Zakaria 8:3 ပူးပေါင်းရင်းမြစ်များ

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Esodo 29:45

Ke oge me he ka laba hnyi wanben lakon Isaraela, mʼ oge me he ka Khongudrin.

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 1:26

ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 32:16

Me ame he wisa ka laba hnyi hnyebuba, ke ame he hwakecin ae wisa ka laba hnyi hnyei belök.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 65:25

Ame he bi luko ka tha han me nokon mamoe, ke ame he liona ka han thatûnyin hwit helâ me bolok: ke haba sesâiny kânâ, me wale an ta je on. Ke adre me ca he bi ka okongo me ohia hnyi anyik bucen hia ae kap, haingö Iehova.

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Isaia 8:18

Wâ bi, haba inya ke lakuk a ham könya Iehova, me hnân je haten ke hnân lâiâ hnyi Isaraela ûnyi ga Iehova tuhan sabaoth, at ame laba hnyi bucen Ziona.

Jeremia 14:9

Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 31:23

Walang hna ha hnö Iehova tuhan sabaoth, Khongu Isaraela, ka habe, Adre me he hmetu ka ha hofuc ang hnyi hnyei Juda, me je tauniny, iny ka he ka ohmetu ödra ûhedra hnyi hna bâ me ha, ka habe, Hnyaban hna owisa lö, me bucen ae kap, E so e he Iehova ka ohnahici u.

Jeremia 33:16

Hnyi je bong eling adre me he ka omeli Juda, ke ame he Jerusalema ka laba khötkic: ke walang ien adre me he ka hawâ, ka habe, Iehova wisaita.

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Joela 3:21

Ke oge me he ka haisoâ drödra waleji oge me tiga ca haisoâ: anyin a Iehova ame laba hnyi Ziona.

Mika 4:1

KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Zakaria 1:16

Anyin a wale, walang hna ha hnö Iehova, ka habe, Inya oge me hmetu Jerusalema ai me je ibetengiö; adre me he ka op hmetu umök uma eling, haingö Iehova tuhan sabaoth, ke adre me he ka lelö tulut tö hon Jerusalema.

Zakaria 12:6

Hnyi bong eling oge me he ka wia je taben Juda me me helâ me hlogon öt hnyi wanben uto, me helâ me okûnû hnyi je thi hwit; ke adre me he ka an tavat hia igigilo, hnyi ke keihen metâ me me: ke ame be hmetu Jerusalema ka labâ hnen, wale hnyi Jerusalema.

Zakaria 14:10

Adre me he ka wia hnyei hia me me helâ me dok ae tha hon hwân hnyi Geba ke ne o but hnyi Rimona ke keihen ka hnyi hwaiöuiny Jerusalema; ke adre me he ka ogöranyâ e, ke e ame he ka labâ iny, hwân hnyi homagouleny Beniamina ke ne o but hnyi hnen homagöule a bân, ke ne o but hnyi homagouleny kop, he hwân hnyi tap tue anyi Hananel ke ne o but hnyi hna hlic wan vine anyin than.

Zakaria 8:16

Walang ûnyi öbun e he ka ânyâ. Ûhaköuâ thö hnathu; owisa hnatho thö me hnahic hnyi je homa-göulebun:

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Kolose 2:9

kʼ ame laba eû hnyin at eling onyen Khong hia thithö hnyi unyin,

Hna Omanenâ 21:10

Me e ame hum nya hnyi Hanu ka hnyi bucen ae gan me beû goranyai, me omanenâ könya taun ae kap wale Jerusalema ame utut ûnyi hnyi drany ûnyi ge Khong,

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin: