Zakaria 7:3 - Iaai Bible 1901 (New Caledonia)

³ me ha ka tavat bihut hnyi uma umo Iehova tuhan sabaoth, me ka je perofeta, ka habe, Hawa, e ûcû könya he ka tenge hnyi tehi a faiviny, me ûsâkâûö helâji me hnok hna ânyâ waleji hnyi je huna ae se hia?

Zakaria 7:3 ပူးပေါင်းရင်းမြစ်များ

Ezera 3:10

Ke haba hnyat op uma umo Iehova me adre me otilâ tavat bihut adre khaû, ke je trutru hnyi hnyamödrin, ke haba at Levi a laku Asafa ödrin e tot me je simebalo he ka oganö Iehova hoton musi anyi Davita than Isaraela.

At Khet 3:4

ûen tenge, me ûen hluma: ûen hnyamok, me ûen bibiâ;

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Joela 2:17

E so ame he tavat bihut, a je athnyabai Iehova ka tenge hnyi wanben poretiko me taben hut, me ha, ka habe, Iehova lö, betenge ju ge lakem, ke ca he ka hna jekhom me hnân taben haikongoâ, me he ka musi ödra hnen ta je hnyei: anyin a ieû ame he ka ha hnen je hnyei, ka habe, Ewa Khongudrin?

Hagai 2:11

Walang hna ha hnö Iehova tuhan sabaoth, ka habe, Hnö thö walang ang tavat bihut hnyi hnanyibu, ka habe,

Zakaria 7:4

Me ame o but hofuc ho Iehova tuhan sabaoth könya, me ha, ka habe,

Zakaria 7:5

Ha thö ka aten hia hnyei, me ka tavat bihut, ka habe, Haba hnyi je ûen öbun e ânyâ ca han me tenge thungaû hnyi tehi a faiviny me tehi a seveniny, hnyi je huna a sevente, hawa, öbun e ânyâ ca han könya?

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Mataio 9:15

Ke haba Iesu ame ha ködrin, ka habe, Hawa, e khana lahanen at a tep faipoipo he ka tenge, e ka tiga e unyidrin at a tep faipoipo? ke ame he ka o je bong me adre me he ka hom dö gadrin at a tep faipoipo, me wale ûen ödrin e he ka ânyâ hnyin ca han.

I. Korinito 7:5

Ca behânâ ke at hnen ke at, ke so bi e tha hnyekubu hnyi ke ûen, möbu me he ka hnʼ öbu but ka hic, me öbu me he ka tha laba hmetu bi, wâ e nye cubic öbu Satana anyin ae ca khanʼ öbu hokhnyok.

Deuteronomi 33:10

Adre me he ka nö Jekob hnyi ânyâm je hna owisa, Me nö Isaraela hnyi ânyâm hnanyibu: Ödrin e he ka ip utö ae bo so hnyi hnyimâkâm, Me hudiny le adre ca subâ hon ânyâm taben hut,