Zakaria 5:3 - Iaai Bible 1901 (New Caledonia)

³ Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e.

Zakaria 5:3 ပူးပေါင်းရင်းမြစ်များ

Esodo 20:15

U ca he ka venöu.

Ta je Vejec 29:24

Haba at ame tha hien me at venöu, me e ame ka hmiân hanon bi: E ame long ûhangö, kʼ ame ca omanenâ bi.

Ta je Vejec 3:33

E bi hnyi uma umen at ae kong hnaûhango ûnyi ga Iehova; Ke e ame ohnahicâ uma umen at ae wisa.

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

Isaia 24:6

Anyin a wale ame an hnyei hnen hnaûhango, ke adre wâ joniny tavat adre me labā e; anyin a wale adre me thong degecâ tavat adre me labā hnyei, ke ödra wakhalet biju je kolon.

Isaia 43:28

Anyin a wale oge me he ka okongoâ je tuhan dok ae kap, me hnö Jekob ka hnaûhango, ke Isaraela hnân haikongoâ.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Ezekiela 2:9

Ke oge me wâ, ke wâ bi, ame inâ ke hnyam könya; ke wâ eû hnyin ke tusi adre vhec;

Daniela 9:11

Eke, a hia but hanyâûâ ânyâm je hnanyibu hnen at Isaraela hia, kʼ adre me saû but, kʼ adre me ca long ifucâm: anyin a wale, adre hia but hingâlâ huhmun hnaûhango, ke hna khemanyin waleji adre me sihnalimen hnyi hnanyibu anyi Mose athnyabainy Khong; anyin a öhmun e hia but ânyâ hulo kâu.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Levitiko 19:11

Ca he öbun ka venöu; me ca bibiman bi, ke ca thoi ke at ka ke at.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Amosa 3:10

Anyin e ca khanʼ ödra he ka ânyâ ûnyi ae ûcû, tavat adre me ûkhöûnâ ûokonguny me hna söh hnyi umödra je uma ae hmanenang, haingo Iehova.

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

Zakaria 8:17

ke ca he ke at unyibun he ka ûnykûme ûnyi ae kong hnyi je hnyekubun ka ke at; ke ca hnyok bi hna khemanyin thoi: anyin a hûkötiânök ta je ûnyi hia e, haingö Iehova.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Malaki 4:6

Ke e ame he ka ohmeto je hnyekon lakamen ka lakon, ke je hnyekon lakon ka lakamödra; wâ oge nye o me kot kânâ ge hnaûhangö.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Luka 21:35

anyin ame he ka o helâe ka tavat hia adre me labâ hmeledrany.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.

I. Timoteo 1:9

wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Josua 9:20

Walang ûnyi otin e he ka ânyâ ködrin, me omeli ödrin; wâ e nye takû ota ge hmönyin, can hnöta hna khemanyin ködrin.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.