Zakaria 4:2 - Iaai Bible 1901 (New Caledonia)

² Me haingen könya, ka habe, Ieû u je wâ? Me haingök, Inya oge hia but wâ, ke wâ bi taben lamepa a gol hia, ke hu kaiainy hnyi ban e, ke je lamepainy a seven ethö hon e; ke seven je deny wakaco ka hnyi je lamepa hnyin e:

Zakaria 4:2 ပူးပေါင်းရင်းမြစ်များ

I. Man Ûlabainy Je Than. 28:15

ke adre tuluto gol minya hnân je taben lamepa gol me je lamepainy, adre ve tuluto goliny je taben lamepa me je lamepainy: ke adre tuluto sileva hnân je taben lamepa sileva hnân je taben lamepa me je lamepainy, hoton je huliwainy je taben lamepa:

II. Man Ûlabainy Je Than. 13:11

ke ödrin e le kö Jehova je hut me je utö ae bo so hnyi je hnyomaktu me sahac: ke ödrin e ip gaga areto hnân omanenâ hon laulau gol ae so; me taben lamepa gol me je lamepainy he ka möt hnyi je sahac: anyin a ohmun e tuö huliwa anyi Iehova Khonguhmun; ke öbun e hia but hna degecâ.

II. Man Ûlabainy Je Than. 4:7

Ke ame ânyâ je taben lamepa gol a ten hoton tulut adre ha, kʼ ame ip eio hnyin uma kap, thabûng hnyi metâ, ke thabûng hnyi me.

At Khet 12:6

e ka tiga ca mou bi tö sileva, ke tiga ca hmouca kaia gol, ke tiga ca hmouca kaia hnyi an, ke tiga ca ok waengen hnyi taben köiö;

Jeremia 24:3

Haba Iehova ame ha könya, ka habe, Jeremia lö, ieû u je wâ? ke haingök, ka habe, Je wan meta: haba je wan meta ae so, me e ka ti so, ke haba je wan ae kong, me e ka ti kong, ke ca hnân han anyin ae kong.

Jeremia 52:19

Ke haba taben tavat tue ame hom je utkaia, me je taben meic, me je kaia me je öt, me je taben lamepa, me je spun, me je kaia; adre hom goliny je ûnyi ae gol, me silevainy je ûnyi ae sileva.

Amosa 7:8

Haba Iehova ame ha könya, ka habe, Amosa lö, ieû u je wâ? He haingök, ka habe, Tulut tot. Ke haingen Than, ka habe, Wâ bi, oge me he ka otilâ tulut tot wanben lakeik a at Isaraela; oge me ca he hmetu ka he me digic ödra,

Zakaria 5:2

Ke e ame ha könya, ka habe, Ieû u je wâ? ke haingök ka habe, Inya oge me wâ tusi adre vhec ame gâ; twente kubit ibeûen e, ke ten kubit ûlauen.

Hna Omanenâ 1:12

Ke oge me hwio he ka wâ hofuc ame fuc könya. Ke oge me hwio thö, me oge me wâ je taben lamepa gol a seven;

Hna Omanenâ 1:20

walang bongon ae iyong a ta je okhû a seven waleji u je wâ hnyi hnyamok a metök, me je taben lamepa gol a seven. Haba je okhû a seven, me wale ta je angela anyin ekalesia a seven: ke haba je taben lamepa a seven u je wâ, me wale ta je ekalesia a seven.

Hna Omanenâ 4:5

Ke ame he but ûheny hnyi theron je hucuce, me je hofuc, me hendreng. Ke seven ta je lamepa ame hiâ hnyi hnyimakan theron, wale je Hanon Khong a seven;