Zakaria 3:9 - Iaai Bible 1901 (New Caledonia)

⁹ Anyin a wâ bi veto oge hia but ip hnyi hnyimakö Josua; seven je ecmak hnyi veto a khaca: wâ bi oge me he ka kave hna kave e, haingö Iehova tuhan sabaoth, ke oge me he ka ohia hulöiny hnyei eling hnyi bong a khaca.

Zakaria 3:9 ပူးပေါင်းရင်းမြစ်များ

I. Je Than 1:20

Ke haba u, than lö a tuhok, ame bwele köu je li emakan at Isaraela hia, mʼ u me he ka ha ködrin at ame he ka tabâ theron anyin than a tuhok hwaban.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

Salamo 103:12

E ame öûsâkâûöâ möta anyita ta je hulo, Helâ me ûsâkâûen jimeiö me jimeû.

Salamo 118:22

Haba veto waleji a degec hnen tavat up uma, Wale thibi e hnân ban bahebet.

Esodo 28:11

U me he ka kave hon li veto je ien lakon Isaraela, ge huliwa anyin at ame khavi veto, helâ me bongon kave ûnyi hnân bi haten: u me he ka ânyâ me ohmâ hnyi li gol hnân taben.

Esodo 28:21

Ke ame he ka hnen hnyi je veto je ien lakon Isaraela a twelv, hoton je iödrin, helâ me hna kave ûnyi hnân bi haten, ame he ka ve hu ien hoton je tribu a twelv.

Esodo 28:36

Ke u me he ka ânyâ ke wahano a gol! ae so, me kave hon helâ me hna kave ûnyi hnân bi haten, ka habe, e kap kö Iehova.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Zakaria 3:4

Me e ame thu me ha ka tavat adre me tot hnyi hnyimakan, ka habe, Uny jut je ûkhaû ae kânâ gan. Ke haingen kâu ka habe, Wâ bi oge hia but ohia hwakecâm ae kong gam, ke oge me he bi ka okhaûo u ge je ûkhaû ae hmanenang.

Zakaria 4:10

Ke ie at ame hia but hûkötiâ bonginy ûnyi ae ûhnyûkong? anyin a haba hnyat ang a seven, a je emakö Iehova, me ödrin e he ka senyin ödrin ka wâ tulut tot hnyi hnyamö Zerubabela; ke ödrin e vheno hmeledrany hia.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ta je huliwa 4:11

E thibi veto öbun e degec öbun hnyat bi uma, adre hia but ânyâ hnân vetoiny ban kopiny.

Roma 9:33

helâ me hna sihnalimen, ka habe, Wâ bi, inya oge me ip hnyi Ziona veto hnân othöâ me kic hnân öüo: Ke ame ca he bi ka hmehma at ame labageju kâu.

II. Korinito 1:22

waleji at ame okeceâ hmâ hatöta, me ham köta haten Hanu eû hnyi je hnyekuta.

II. Korinito 3:3

anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 5:6

Ke oge me wâ hnyi wanben theron, me vak ta ûnyi ae möt, me hnyi wanben wahingat, ame tot ke Arenio, helâke adre hia but hlingâ, seven je faoiny, ke seven je emakan, wale je Hanon Khong a seven, adre kunâ ka hnyi hmeledrany hia thithö.