Zakaria 3:4 - Iaai Bible 1901 (New Caledonia)

⁴ Me e ame thu me ha ka tavat adre me tot hnyi hnyimakan, ka habe, Uny jut je ûkhaû ae kânâ gan. Ke haingen kâu ka habe, Wâ bi oge hia but ohia hwakecâm ae kong gam, ke oge me he bi ka okhaûo u ge je ûkhaû ae hmanenang.

Zakaria 3:4 ပူးပေါင်းရင်းမြစ်များ

II. Samuela 12:13

Haba Davita ame ha kö Nathana, ka habe, Oge hia but ânyâ hulö kö Iehova. Ke haingö Nathana kö Davita, ka habe, Iehova ame hia but ohia minya ânyâm hulö; u me ca he ka mok.

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

Salamo 51:9

Ikhâlâ ju hnyimâkâm ge anyik ta je hulo, Ke kot degecâ but anyik ta je monu hia thithö.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 52:33

Ke e ame bi hnen anyin je ûkhaûen uma ceat, ke e ame hnyi han më hnyi ta je bongon hia anyin mot.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 42:14

E ka didro tavat bihut, me ödrin e ca he ka dit ûnyi hnyi dok ae kap ka hnyi hnyeule eû, ke ödrin e he ka mē ip eling je khaûödrin, wale ödrin e huliwa kâu; anyin ae kap ta je ûnyi e: ke ödrin e he ka khavâ ke je ûkhaû, mʼ ödrin e he ka ûhakekenyâ ta je ûnyi anyin tavat.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mika 7:19

Ke e ame he ka hmetuhmetu me betenge gata; e ame he ka uto anyita je hulo hmelen li can: ke u me he ka khûâ anyidra ta je monu hia thithö ka hnyi köiö hnyi dok ae dit.

Zakaria 3:1

KE e ame omanenö Josua könya wale at bihut ae beönua, ame tot hnyi hnyimakan angela anyi Iehova, ke haba Satana ame tot hnyi ke keihen a metân he ka iwahnaihmiony më.

Zakaria 3:7

Walang hna ha hnö Iehova tuhan saboath, ka habe, U je ne he ka vheno dek je gethen, me tuö hnok je hna otilâ, me u me he ka owisa umök uma, me tuö je hnyeulek, ke oge me he ka ham köu dok he ka vheno unyin tavat adre me tot eû.

Zakaria 3:9

Anyin a wâ bi veto oge hia but ip hnyi hnyimakö Josua; seven je ecmak hnyi veto a khaca: wâ bi oge me he ka kave hna kave e, haingö Iehova tuhan sabaoth, ke oge me he ka ohia hulöiny hnyei eling hnyi bong a khaca.

Mataio 22:11

Ke ame didro than he ka wâ tavat adre hawâ, me e ame wâ ke at eling ae ba ûkhaûen faipoipo:

Luka 1:19

Haba angela ame thu kâu, ka habe, Inya ang Gaberiela at ame tot hnyi hnyimakan Khong; a khunö nya he ka ha köu, me omanenâ köu ûthumetu eang ae so.

Luka 15:22

Ke haba kamen ame ha ka lathnyabainy, ka habe, Ie hom but jem ûkhaû ae ti so, ke okhavâ ju kâu; ke inâ thö wen hnyam kâu, ke hûkâlâju tangen li hnyeûca:

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

Heberu 8:12

Anyin oge me he ka betenge baû ge hwakecidra ae kong, Ke oge me ca he hmetu bi nya ka ûnykûme anyidra ta je hulo.

Hna Omanenâ 5:11

Ke oge me wâ, me löng ifucin ta je angela ae se hia igigilo theron, me ta je unyi ae möt me wahingat; ke haba ûsehiaidra me helâ me ten thauzan ta je ten thauzan, ke je thauzan ta je thauzan;

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.