Zakaria 3:2 - Iaai Bible 1901 (New Caledonia)

² Haba Iehova ame ha kö Satana, ka habe, Satana lö, e so e û u Iehova; eke, e so ame he Iehova at ame senyin ka Jerusalema ka û u: hawa, ca uthmeic bi ang adre oc ûnyi hnyin meic!

Zakaria 3:2 ပူးပေါင်းရင်းမြစ်များ

II. Man Ûlabainy Je Than. 6:5

Hwân hnyi bong oge me hom lakeik ûhedrin Aigupito, me oge me ca ûca ke taun hnyi je tribu Isaraela hia, he ka op uma hnyin, me me laba eling iök; ke oge me ca ûca ke at me me tuhan lakeik Isaraela:

II. Man Ûlabainy Je Than. 6:6

ke oge me ûca Jerusalema, mʼ adre me ip eling iök; ke oge me ûco Davita he ka musi hon lakeik a Isaraela.

Salamo 109:31

Anyin a e ame he ka tot hnyi hnyamen a metân at ae ba ta ûnyi, He ka omelo e ûnyi ge tavat adre me he ka owisa hanon.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Amosa 4:11

Oge hia but ohia keihen gabun helâ me hnen Khong hna ohia Sodoma me Gomora, ke öbun ûcû me uthmeic adre oc ûnyi hnyi meic: ke so bi öbun e ca hmetu könya, haingo Iehova.

Zakaria 1:17

Hongot hmetu thö, me ha, ka habe, Walang hna ha hnö Iehova tuhan sabaoth, ka habe, Ame he ka se hia hmetu anyik je taun ûnyi ge hnahic; ke ame he hmetu Iehova ka otubwelâ Ziona, me senyin ka Jerusalema.

Zakaria 2:12

Ke ame he Iehova ka laba hnyi Juda, wale hwajekhon hnyi hnyei ae kap, me ame he bi ka ûca Jerusalema.

Mareko 1:25

Haba Iesu ame thawâ e me ha, ka habe, Ca mede bi, ke didrut ûhem hnyi hnyekon.

Mareko 9:25

A wâ but Iesu tavat ae se hia adre me wadring ûkhacaköu, me e ame thawâ hanu ae kong, me ha kâu, ka habe, U hanu ae hum me wejiji lö, inya oge me hûna köu he ka didrut ûhem hnyi hnyekon, ke ca delec hmetu bala bi.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

Luka 4:35

Haba Iesu ame thawâ e, ka habe, Ca mede, ke didrut ûhem hnyi hnyekon. Ke a hia but demoni hagutâ e hnyikânâi hnyi wanben, me e ame didrut ûheny hnyi hnyekon, ke a ca okongoâ bi e.

Luka 9:42

Ke e ame tiga he, me haba diabolo ame osesebila e me sa hmonyinâ. Me Iesu ame thawâ hanu ae kong, me osoâ da, me ham hmetu e ka kamen.

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Roma 8:33

Ie at ame he ka bi fuco hna ûca hnen Khong? Haba Khong thibi at ame haiwisa;

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Juda 1:23

ke omelö thö keihen, me lili ödra ju ûnyi hnyi meic; ke betenge ju ka keihen me ot, ke ikikiâ thö ûkhaû ame okongoâ hnen unyin.

Juda 1:9

Ke haba Mikaela angela ae nua ame ûöhwege me diabolo kʼ ame iwatretra ge unyi Mose, me ca hwege he ka haikongoâ e, ke e ame ha, ka habe, Hamen bi Than he ka thawo u.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.