Zakaria 1:4 - Iaai Bible 1901 (New Caledonia)

⁴ Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Zakaria 1:4 ပူးပေါင်းရင်းမြစ်များ

II. Man Ûlabainy Je Than. 30:6

Me ame he but tavat, kʼ ödrin e ve hom je tusi ûnyi ge than me anyin je taben ka hnyi je ke keihen Isaraela hia me Juda, kʼ ödrin e ha hoton hnanyibu anyin than, ka habe, Öbun lakon Isaraela lö, hwio hmetu ju öbun kö Iehova, Khongu Aberahama, me Isaaka, me Isaraela, me e ame he bi ka; hmetu köbun je kolon tavat adre me kec möt ûnyi ge than Asuria.

II. Man Ûlabainy Je Than. 30:7

E so öbun e ca he ka helâ me lakamöbun, me je liamekeiny möbun, tavat adre me ânyâ hwakecin ae kong kö Iehova, Khongon lakamödrin, me e ame hnʼ ödrin he ka ba wan, helâ me hnobun hna wâ.

II. Man Ûlabainy Je Than. 34:21

He thʼ öbun ka elâm unyi Iehova hobi könya, me je kolon hnyi Isaraela me Juda, ge hofuciny tusi adre wâ: ânyin ae gan hmâ hmonyin anyi Iehova adre hingâlâ kötin, can a ca vheno lakamötin hofuc ho Iehova, he ka ânyâ hia helâ me hna sihnalimen hnyi tusi ang.

Ezera 9:7

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.

Nehemia 9:16

Ke ödrin e bi gan me lakamödrin, me ohwegiâ je nyidrin, me ca long bi ânyâm je hnanyibu,

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 23:22

Ke so bi adre ne hia but mwi hnyi anyik ûhnenamö, awe, adre me he ka olöngâ lakeik ge hok ta je hofuc, me ohmetu ödra ûnyi hnyi dedra je gethen ae kong, me ûkonginy anyidra ta je huliwa.

Jeremia 25:8

Anyin a wale, walang hna ha hnö Iehova tuhan sabaoth, ka habe, Anyin a öbun e ca long hok ta je hofuc.

Jeremia 26:5

me long ta je hofuc hwan lathnyabaik a je perofeta, waleji oge kunâ köbun, me vesâ kong me kunʼ Ödra, ke öbun e ca long bi;

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 44:16

Haba hofuc u je hia but ha kohmun hnyi iö Iehova, ohmun e ca he ka löng köu.

Ezekiela 14:6

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hmetu ju, hmetu ju öbun ûnyi hnyi anyibun je idola; me wia thö je hnyimaköbun, ûnyi hnyi anyibun ta je ûnyi ae ikiki hia.

Ezekiela 20:18

Ke oge me ha ka lakudra hnyi hnyebuba, ka habe, Ca vheno bi öbun whakecin lakamöbun, me ânyâ hnödra je hna owisa, me okongu öbun ge anyidra je idola:

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 33:4

ke haba at ame long hwan trutru, ke ame ca vheno bi, ke ame ne o hele vat me hlingâ e, me ame he dren ka takoû e bi.

Daniela 9:6

ke öhmun e ca hia but long ka lathnyabaem a ta je perofeta, tavat adre me fuc hnyi iâm ka latuhöhmun, ke anyihmun je taben, ke lakamöhmun, ke tavat hia thithö hnyi hnyei.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Amosa 5:24

Ke so ame di hna owisa helâ me köiö, me hwakecin ae wisa helâ me wagewe ae hwege.

Mika 2:6

Haingodra ka habe, Ca perofeta thö. Adre me ca he ka perofeta ka hnyat eling; ame ca he ka hia bi ta je hna haikongoâ.

Zakaria 1:3

Anyin a wale ha thö kodra, ka habe, Walang hna ha hnö Iehova tuhan sabaoth ka habe, Hmetu ju könya, me oge me he bi nya ka hmetu köbun, haingö Iehova tuhan sabaoth.

Zakaria 7:7

Hawa, e ca ûcû köbun he ka long hofuc waleji Iehova ame ha a deny je perofeta kâû adrem, hnyi ûen adre labâ Jerusalema ke e sot, ke adre me labâ je tauniny igigilo e, me ke keihen ka hnyi Hwaiöu, me dok ae tha hon?

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;