Tito 3:5 - Iaai Bible 1901 (New Caledonia)

⁵ e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Tito 3:5 ပူးပေါင်းရင်းမြစ်များ

Jobu 15:14

Ehö at me me hau bi? Ke hna hnokoâ hnen momo, me me wisa?

Jobu 25:4

Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?

Jobu 9:20

Oge ne he ka haiwisai nya, ame he hnyimök ka haikongu nya: Oge ne ha, ka habe, iny wisa, e ame he ka haihwali nya.

Salamo 130:7

Isaraela lö, geju Iehova ju; Anyin ae unyi Iehova ibetengiö, Ke gan hmâ ûhomeli unyin.

Salamo 143:2

Ke u me ca he ka ûhnei me athnyabaem; Anyin ae ba at ae möt ae wisa hnyi hnyimâkâm.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Isaia 57:12

Oge me he ka haimemenâ ânyâm wisa; ke haba ânyâm ta je huliwa bi, me ame ca ke ka hu troban köu.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Luka 1:50

E ame omanenâ anyin ibetengiö ka ke dö me ke dö, A hnyat adre me outen e.

Luka 1:54

E ame hom hadruâ athnyabainy a Isaraela, Kʼ ame ûnykûme ibetengiö,

Luka 1:72

He ka ânyâ betenge ka lakamöta, Me ûnykûme anyin ûhihinyköu ae kap;

Luka 1:78

Ûnyi hnyi ibetengiö ae menyik anyin Khonguta. Anyin a wale ame he haolany ka senʼ ota,

Roma 11:14

me heleû deny he ka oihu-nyinköuâ lahanök, me omelö keihen gadra a ne khana.

Roma 11:6

Ke a ne hnen ibetengiö baû, awe, ca hnen bi huliwa: a ne ca helâe, me ca ibetengiö baû hmetu bi ibetengiö baû.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 3:20

anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu.

Roma 3:28

Anyin a wale, ate me ûnykûme, ka habe, adre me haiwisa at ge labageju, ke ca ha bi huliwainy hnanyibu.

Roma 4:5

Ke haba at ame ca huliwa, kʼ ame labageju thibi ka at ame haiwisa at ae kong hwakecin; baba anyin bi labageju, me adre me he ka ha a hnân hwakecin ae wisa.

Roma 9:11

ke tiga ca hnokoâ bi, ke ba minya so me hulo ödru me ânyâ, haba me me tethmâ ju hna uny kûme hnen Khong hoton hnen hna ûca, ca ûnyi ge huliwa, ke ûnyi bi gan at ame hawâ,

Roma 9:16

Waleling me me ca ûnyi gan bi at ame weny, ke ca ûnyi minya ge at ame wadring, ke ûnyi bi ge Khong, at ae betenge.

Roma 9:30

Anyin a wale, ieû ate me he ka ha? A gʼ ame hu hwakecin ae wisa ge Aten ta je hnyei, waleji adre me ca hnu hoton hwakecin ae wisa, wale a hwakecin ae wisa hoton labageju:

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Galatia 2:16

e khanʼ öta a gʼ adre me ca haiwisa at ge ta je huliwainy hnanyibu, ke so bi hnen labageju kö Iesu Keriso, öta minya ang tavat otin e labageju kö Keriso Iesu, mʼ adre me he ka hai wisʼ öta hnen labageju ka Keriso, ke ca hnen bi ta je huliwa hnyi hnanyibu: anyin ae ba at me khaca adre me he ka haiwisa hnen ta je huliwa hnyi hnanyibu.

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 4:23

me ohâtʼ öbun hmetu hnyi ûnykûmenen je hnyekubun,

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Tito 3:4

Ke ame manen dut hwakecin ae betenge anyin Khong At ame omeli öta, me anyin ibetengiö ka tavat,

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.

Heberu 6:6

ke adre me kolu hmetu, me pason hmetu he ka ohâti ödra ka hnyi ietra; anyin adre me osatauroâ hmetu bi kodra Nokon Khong, me ohmehma manenâ e.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Peteru 2:10

waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;