Tito 3:3 - Iaai Bible 1901 (New Caledonia)

³ Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Tito 3:3 ပူးပေါင်းရင်းမြစ်များ

Genese 38:9

Ke a wâ but Onana a ga me ca he ka mâtrâniny bi; me e ame laba ka momo âiân tuhan, kʼ ame hingâlâ ka hnyi kânâ wâ e nye bi mâtrâniny tahan.

Genese 39:16

Ke momo ame ip ju ûkhaûen ke ne o but ame o tuhan ka hnyi hnyaban.

Salamo 36:2

Anyin a e ame haisoâ e bi hnyi ka hnyimakan bi, A adre me ca he ka wâ anyin hulo, me ikikiâ e.

Ta je Vejec 8:5

Öbun tavat ae ba hnyekubun lö, Wâhmakhmeto ju wâ wia; Ke öbun tavat ae monu, wâ ûnykûme ju öbun.

Ta je Vejec 9:6

Soju, öbun tavat ae ba hnyekubun, mʼ öbun e möt; Me vheno gethen deny wâ ûnykûme.

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Obadia 1:3

A hia but omenu u bi hnen hnyekom ae bi gan, u at ame laba hnyi je op hnyi kic, ethö hnyabam; at ame ha hnyi hnyekon, ka habe, Ie at ame he ka ohnyikânö nya hnyikânâi?

Mataio 21:29

Ke haingen, ka habe, Iny höcö: ke hwaban e, e ame ietra me he.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Ioane 8:34

Iesu ame thu kodra, ka habe, E hnathu, e hnathu, inya oge me ha köbun, ka habe, haba at ame he ka mâdrâ monu e ame bi aten hulö.

Roma 11:30

Anyin a öbun e ca long hoton Khong ehac, ke walang ang adre me betenge gabun ûnyi hnyi hnödra hna ca long hoton,

Roma 6:12

Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e:

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

Roma 6:22

Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua.

Roma 6:6

ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo;

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 6:3

Ke a ne ûnykûme ke at a ka e at ae ûnyi hnathu, ke ca e bi, e ame ka iyawâ e bi.

Kolose 1:21

Ke öbun ta je atkanyua ehac me iwahnaihmiony hnyi hnyekubun hnyi anyibun ta je huliwa ae kong, ke e ame hia but öûsoköuâ walang ang

Kolose 3:7

kʼ öbun minya öbun e vheno ehac, waleji kʼ öbun e tiga laba hnyin.

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

II. Timoteo 3:6

Anyin a keihen tavat helâe, adre me dit ka hnyi ta je uma, me hom hwenbâ omomo ae monu me hmak ge hulo, adre lili ödra hnen ta je wedra bi ae ke bongon bi,

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Iakobo 1:26

A ne hu ke at ame ûnykûme a e ame hmi, ke e ame ca noc bi bohmen ke e ame omonoâ hnyekon bi, awe, haba hmi anyin at e, me ûnyi baû bi.

I. Peteru 1:14

e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.