Tito 3:2 - Iaai Bible 1901 (New Caledonia)

² me ca he ka haikongoâ bi ke at, ke ca iwatretra bi, ke so bi he ka ilimuk, me omanenâ hia hwakecin ae menyik ka tavat hia.

Tito 3:2 ပူးပေါင်းရင်းမြစ်များ

II. Samuela 22:36

U je hia but ham könya becin ânyâm ûhomeli: Ke ame oganö nya ge hwakecâm ae menyik.

Salamo 140:11

Ame ca be at ame ha monu ka tethmâ hnyi hnyei: Kʼ ame he hulo ka hnu at ûokonguny he ka hagutâ e.

Ta je Vejec 19:19

Ame he ka hu hwaban ka at ae gan wathethot: Anyin a u je ne omelo e, me hamâm he ka ânyâ hmeto bala.

Ta je Vejec 25:24

E so he ka laba hnyi bahebetiny ban uma, Ke kong bi he ka tha uma hnyi uma ae gan me momo ame û.

Ta je Vejec 6:19

Me at bi fuco wale at ame ha je thoi, Me at ame okûâ iwatretra ka hnyat me lakeiny.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Ta je huliwa 23:5

Me haingö Paulo, ka habe, Hnyat me lakeiny lö, e ca khanö nya ae at bihut ae nua: anyin adre me sihnalimen, ka habe, U me ca he ka haikongo at ame muso em hnyei.

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

I. Korinito 9:19

Eja ke ne oge ne he ka ba hanymök ka tavat hia thithö ehac, oge me ka hamök hnö nya bi ka athnyabaidra hia, me me se hia tavat adre me he ka hmehmelö nya.

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 6:1

HNYAT me lakeiny lö, eja ke ne a ne hom uthmâhmâ ke at hnyi hna hanyâûâ, hamöbun tavat hnyi hanu he ka kap hmetu at a helâe hnyi hnyok ae menyik; ke wâ wiö u bi, wâ e nye cubic u minya bi.

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Efeso 4:2

me hnyok ae hnyikânâ ke menyik, me hokhnyok ae beû hmâ, me ve hokhnyok bi hnyi ibetengiö;

Efeso 4:31

Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia:

Filipi 4:5

E so e he tavat hia thithö ka wâ anyibun menyik. Wale but ang Than.

I. Thesalonika 2:7

Ke öhmun e menyik hnyi wanböbun, helâ me at ame ûasin ame hat lakon:

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

Iakobo 4:11

Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Peteru 3:10

Anyin a Haba at ame weny möt, Kʼ ame bewâ je bong ae so, Me so e ame noc bohmen hnyi monu, Ke li esongodiny wâ e nye fuc thoi:

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

I. Peteru 4:4

ke adre me lâiâ ge ca tha wadring a Öbun mʼ ödra ka hnyi imedioköu ae ti kong, ke adre me haikongu öbun:

II. Peteru 2:10

ke nua bi tavat adre me hnu hoton weny unyin ae kong, me oûnyibâûâ musi. Tavat adre me ca ot, ke tavat hwege ânyâ wedra, adre me ca ot he ka haikongoâ ta je musi:

Juda 1:10

Ke haba ödra ang, me adre me hiakongoâ ta je ûnyi ae ca khanʼ ödra: ke haba ta je ûnyi ae khanʼ ödra hoton unyin, helâ me ta je meno ae ba hnyekudra, me adre me hângʼ ödra hnyi ta je ûnyi e.

Juda 1:8

Ke helâe minya tavat ang, adre me bwi me oikikiâ unyidra, kʼ adre hociâ tavat musi, kʼ adre haikongoâ wahmanenang.