Tito 3:14 - Iaai Bible 1901 (New Caledonia)

¹⁴ E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Tito 3:14 ပူးပေါင်းရင်းမြစ်များ

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Mataio 21:19

Me e ame wâ imeta hnyi baten gethen, me e ame he kâu, ke ba wan e ame wâ, ke je lan thibi; haingen kâu ka habe, U me ca he hmetu ka wa nyiele balua. Me ame ie meleca thö imeta.

Mataio 7:19

Haba ta je ûö hia ame wa kong, me adre me he ka sö degecâ, me khûâ but ka hnyi meic.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:8

Hnân ogânö Cica, öbun ka he ka wa gan hmâ; ke helâe öbun e he ka bi latök.

Ta je huliwa 18:3

ke e ame tha laba mödru me huliwa, ke khaca thibi anyin huliwa mʼ ödru; haba anyidrin huliwa, me ödrin e tibet je uma mano.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Roma 12:13

haomjehen ju tavat ae kap hnyi hnödra hna theduoc; khenen ju he ka imetenyimwi me ta je atkanyua.

Roma 15:28

Anyin a wale, iny ka hia but umo e, me ohmâ kodra wan eang, me oge me he ka he unyibun iny ka he Sepania ai.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 4:16

ke tiga inya bi hnyi Thesalonika, öbun e okhaca me olo kunâ könya hnyi anyik theduoc.

Filipi 4:17

Ke oge me ca elâm bwihlany; ke oge me heleû wan bi, me me se hia but troban köbun.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

I. Thesalonika 2:9

Ke öbun hnyat me lakeiny öbun e ûnykûme anyihmun huliwa ae mak me vec; öhmun e huliwa hnyi lany me lit, mʼ öhmun e ca he ka ohmâkâ ke at gabun, öhmun e khetâ ûthumetu ae so anyin Khong köbun.

II. Thesalonika. 3:8

ke haba khaca, öhmun ie ca an bâûâ jeû an ke at, ke öhmun e ânyâ huliwa ae hmak me vec hnyi lit me lany, mʼ öhmun e ca he ka ohmâkâ ke at bi gabun:

Tito 2:8

me hofuc ae metâ, ke ca khanʼ ödra he ka haikongu ödra; me me hmehma but at ame ûö bi ûnyi, anyin ae ba ke ûnyi ae monu hnân he ka hai öta.

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat:

II. Peteru 1:8

Anyin a ne e unyibun ta je ûnyi e, kʼ ame ne se, me wale ame he ka wiʼ öbun mʼ öbun e ca hnyat baû bi, ke ca hnyat bi adre me ca wâ, hnyi hna wâhmakhmetoâ Tuhöta Iesu Keriso.