Tito 2:8 - Iaai Bible 1901 (New Caledonia)

⁸ me hofuc ae metâ, ke ca khanʼ ödra he ka haikongu ödra; me me hmehma but at ame ûö bi ûnyi, anyin ae ba ke ûnyi ae monu hnân he ka hai öta.

Tito 2:8 ပူးပေါင်းရင်းမြစ်များ

Nehemia 5:9

Haingök minya, ka habe, E ca so ûnyi e öbun e ânyâ; hawa, öbun e ca he ka he me outen Khongutin, wâ e nye haikongoâ hnen je wanaithila a je iwahnaihmiony mötin?

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Mareko 12:17

Haingö Iesu ködrin, ka habe, Ham dö kö Kaisara ta je ûnyi anyi Kaisara, ke ka Khong ta je ûnyi anyin Khong. Me ödrin e lâiâ e gan hmâ.

Mareko 12:28

Ke ame o but ke at sihnalimen, wale at ame long anyidrin ûhnenamö, ke a wâhmakhmetoâ hnen hna thu soâ ködrin, me e ame hnö e, ka habe, Ewa hnanyibu a bân hnyi ta je hnanyibu?

Mareko 12:32

Me ame ha kâu hnen at sihnalimen, ka habe, Awe, at ûne lö, e so hnâm hna ha, a e khaca thibi; ke ba ju ke at, ke hake e:

Mareko 12:34

Ke a wâ Iesu ae wisa hnen hna thu, me e ame ha kâu, ka habe, U ca ûsâkâûö me dökhu dokhon Khong. Ke ba hmetu at ae hwege he ka hnö e.

Luka 13:17

Kʼ ame tiga ha je hofuc eling, me ame hmehma hia but je iwahnaihmiony mē: ke ame senyin bi tavat ge ta je ûnyi hia ae hmanenang e ame mâdrâ.

II. Thesalonika. 3:14

Ke a ne ke at ame ca löng bi hoton hohmun hofuc hnyi tusi ang, me so öbun e bi haten at eling, ke ca tha öbun më, me me he ka hmehma but.

I. Timoteo 5:14

Anyin a wale inya oge me wek e me he wasafac hmai ka faipaipo, me hnokoâ lakudrin, me tuö hnyabadrin, me me ba can he ka haikongoâ hnen iwahnaihmiony:

I. Timoteo 6:3

A ne ke at ame ûnö ke ûnyi bi, me ca hmehmela hofucin möt wale hofuc hwan Tuhöta Iesu Keriso, me hna ûne ae ûcû hoton hwakecin ot ka Khong;

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 2:15

Anyin a wale weny Khong, mʼ öbun e he ka ohnyiböâ hwen monu anyin tavat ae ca metâ ge anyibun huliwa ae so:

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.