Tito 2:5 - Iaai Bible 1901 (New Caledonia)

⁵ me hnyokâ wisa, me kalaöt hnyekudra, me tavat huliwa hnyi hnyaba, me hwakecin ae betenge, me löng hoton laöiödra, e me ca he ke at ka haikongo bi hofuc hwan Khong:

Tito 2:5 ပူးပေါင်းရင်းမြစ်များ

Genese 18:9

Ke haingödrin kâu, ka habe, Ewa Sara âiâm? Haingen, ka habe, Walethö hnyi uma mano.

Genese 3:16

Ke e ame ha ka momo, ka habe, Oge me he ka osehia ânyâm vec u ka erkin; u ma he ka hnokoâ hnyi vec; ke u me he ka wem bi hmelen âiâm, ke e ame he ka musi u.

II. Samuela 12:14

Ke so bi can anyin a u je kunâ je iwahnaihmiony me Iehova he ka bi gan ge ûnyi e awe, ame he ka mok nokom adre me he ka hnokoâ.

Salamo 74:10

Khong lö, ke ne o but kehö ame he je iwahnaihmiöny ka ûhaikonguny? Hawa, ame he bala bi iwahnaihmiöny ka hmi ödra iâm?

Ta je Vejec 7:11

A momo ae fuc bebehu, ke beânyâ weny; Kʼ ame ca laba li can hnyi hnyaban:

Ta je huliwa 9:36

Ke e hu hnyi Jopa ke aten, Tabitha ien, kʼ adre me wia bongon ien, me Doreka: haba momo e, me unöngöt ge ta je huliwa ae so kʼ ame betenge ka ta je theduoc.

Ta je huliwa 9:39

Haba Peteru ame todrö me tha he mödru. E ame o but, me adre me hom e ka hnyi hnyeule ethö: ke ame tha tot mē ta je safac hia adre me ûtengiö, kʼ ödrin e omanenâ ta je ûkot me je ûkhaû ame tibet Doreka, ke tiga e bi unyidra.

Roma 14:16

Wâ eâu, wâ adre nye haikongoâ anyibun so:

Roma 2:24

Anyin adre me haikongoâ ien Khong hnen Aten ke je hnyei can bi öbun, helâ me hna sihnalimen.

I. Korinito 11:3

Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso.

I. Korinito 14:34

Hamen omomo he ka laba hnyibû hnyi ekalesia: anyin adre me ca hnʼ ödra he ka fuc; ke so bi he ka long hoton helâ me hna ha hnyi hnanyibu.

Efeso 5:33

Ke so bi e so öbun e ve betenge ge laöiöbun helâ me öbun bi; ke haba momo e so e ame he minya ka ogânâ baga.

Kolose 3:18

Omomo lö, ve long ju hoton laöiöbun, helâ me ûcû ka Than.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

I. Timoteo 6:1

E ÛCÛ ka ta je athnyaba hia, tavat adre me hije hok he ka ve ogânâ latuhödra, mʼ adre me ca he ka haikongoâ ien Khong me hnen hna ûne.

Tito 2:4

mʼ adre me he ka nâ wia omomo hmai he ka ve hnyokâ laöiödra, me hnyokâ lakudra,