Tito 2:2 - Iaai Bible 1901 (New Caledonia)

² ka habe, hamen wahingat he ka hmâkâ, me hnyokâ wisa, me wâ wia, me hwege hnyi labageju, me ibetengiö, me hokhnyok.

Tito 2:2 ပူးပေါင်းရင်းမြစ်များ

Jobu 12:12

E unyin wahingat metâ, Ke unyin tavat ae se hia, bongon wâhmakhmeto.

Salamo 92:14

Adre me he bala ka wa kʼ ödra hingat ut; Adre me he ka pipikhenya me hât.

Ta je Vejec 16:31

Korona ae hmanenang ûhûen, Kʼ adre me he ka wâ e hnyi gethen deny wisa.

Isaia 65:20

Ame he ka ba hmetu inma adre me konâm hnyi je bong a tep thibi, ke hingat ae ca bekhot bongon je bong: anyin ame he wanakat ka mok a khaca haded ta je hunainy, ke haba at ae kong a khaca haded hunainy, me ame he bi ka hnaûhango.

Levitiko 19:32

U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

Mareko 5:15

Ke adre me o but kö Iesu, me adre me wâ at eji a delec hnen je demoni, kʼ ame laba a khaû, ke metâ but, waleji at a delec hnen legeona: me adre me ot bi.

Luka 8:35

Ke adre me he but he ka hnyi wâ hna mâdrâ, me o kö Iesu, me wâ at a didrut je demoni ûhedrin hnyi hnyekon, ke e ame laba hnyi hmelen li ca Iesu, a khaû, ke metu but: me adre me ot.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 12:3

Anyin a inya oge me ha köbun hia thithö, hnen betenge baû adre ham könya, ka habe, ca he ke at ka ûnykûme ogânâ e bi hon ûnyi ae ûcû he ka ûnykûme, ke ûnykûme ûhnyûkongoâ thibi, hoton hna khenâ ka ke at me ke at tulutiny labageju hnen Khong.

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

I. Korinito 9:25

Ame hokhnyokâ ta je ûnyi hia thithö hnen tavat adre me ve bi tudra hnyi je mat. Adre me ânyâ mʼ adre me he ka hu gadra korona ae bobot; ke haba öta me ame he ka hu gata korona ae ca bobot.

II. Korinito 5:13

Anyin a öhmun e ne monu, me hobi kâu Khong; ke öhmun e ne metâ, me hobi köbun.

Galatia 5:23

me hwakecin ae ilemuk, me weny ae ûcû: adre ca nyibo bi ta je ûnyi helâe.

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

I. Thesalonika 5:6

anyin a wale, ca he öta ka mokut helâ me keihen, ke ate me he ka hmâkâ me metâ but.

I. Thesalonika 5:8

Ke haba öta aten melam, me so ate me metâ, me khavâ ûkhaûen ûlainy labageju me ibetengiö; me gejon möt hnân hnabicen vat.

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

I. Timoteo 1:14

ke ame ti si but ibetengiö baû anyin Tuhöta, me labageju, me ibetengiö wale ae unyin Keriso Iesu.

I. Timoteo 1:2

oge me sihnalimen kö Timoteo, a hing nokuk hnyi labageju: E so e unyâm ibetengiö baû, me tang ibetengiö, me hnahic, ûnyi ge Khong a Kamen, me Keriso Iesu a Tuhöta.

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

I. Timoteo 3:4

at ame muso soâ anyin lap, ke haba lakon, me ödrin e löng hoton me hnyokâ wisa hia;

I. Timoteo 3:8

Ke helâe minya ta je dikona, hamödra he ka hnyokâ wisa, ca tavat lo ifucidra, ca tavat ijem gânâ waina, ca tavat behu omjeû;

I. Timoteo 5:1

CA he ka oû je hingat, ke so bi nâ e helâ me kamen; me ta je hidröu helâ me je liamekeiny:

Tito 1:13

E hnathu hna ha e. Anyin a wale u ma hwege nʼ ödra, mʼ adre me he ka so but hnyi labageju,

Tito 1:8

ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

Filemona 1:9

oge me he ka sumatö u hnyi ibetengiö, inya Paulo a hingat, adre cö nya walang ang can Keriso Iesu:

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

II. Peteru 1:6

me bi hanen hom ûhnyûkongo ka hnyi metâ; me bi hanen hokhnyok ka hnyi hom ûhnyûkongo; me bi hanen hwakecin ae ûcû ka Khong ka hnyi hokhnyok;