Tito 2:14 - Iaai Bible 1901 (New Caledonia)

¹⁴ waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 2:14 ပူးပေါင်းရင်းမြစ်များ

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Salamo 130:8

Ke e ame he ka omeli Isaraela Ûnyi hnyi anyin ta je monu hia thithö.

Salamo 135:4

Anyin a Ja ame hia but ûcû Jekob hnân hobi kâu, Me Isaraela hnân tang omjehen ae ûnyi hnathu.

Esodo 15:16

Ame o but ködra ot me öbubuny; Ûnyi ge ihwegeiny benyâm adre me laba hmâ helâ me veto; Ke ne o but ame hanyâûâ lakem, Iehova, Ke ne o but ame he thö tavat u je hia but ûco.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 37:23

ke adre me ca he hmetu bi ka kong ge anyidra je idola, me anyidra ta je ûnyi ae ikiki, me hnödra je hna hanyâûâ hia: ke oge me he ka omeli ödra ûnyi hnyi je hnyabadra hia waleji adre ânyâ monu hnyin, ke oge me he ka obosoi ödra: helâe adre me he ka lakeik, ke oge me he ka Khongudrin.

Levitiko 25:41

me e ame he ka hmetu but ûheny unyâm, e me lakon, me me hmetu ka anyin lap, me hmetu ka hnyi hnyaban lakamen.

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Numera 25:13

kʼ ame he ka e bi unyin, me je mâtrâniny a hwaban, me me ûhihinyköu he ka at bihut nyiele balua; anyin a e ame ciâ ge Khongon, me bi hwaban möt anyin lakon Isaraela.

Numera 7:15

ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû;

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Ioane 10:15

helâ me Kamök ame wâhmakhmetu nya, helâ minya me inya oge me wâhmakhmeto Kamök; ke inya oge me ham anyik möt hnân singiny ta je mamoe.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Ta je huliwa 15:14

Haba Simona ame hia but omanenâ hnen Khong hna senâ bânâ Aten ta je hnyei, he ka hom ûnyi gadra hnyei hobi kâu ien.

Ta je huliwa 15:9

ke e ame ca wâhmakhmetu otin bi mödra, ame ânyâwia je hnyekudra ge labageju.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 9:36

Ke e hu hnyi Jopa ke aten, Tabitha ien, kʼ adre me wia bongon ien, me Doreka: haba momo e, me unöngöt ge ta je huliwa ae so kʼ ame betenge ka ta je theduoc.

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 26:18

ke a hia but Iehova ha muâ hnyi bong ang a u hnyei ae ke bongon bi kâu, helâ me hnen hna ha bânâ köu, me u me he ka tuö hnen je hna hûna hia;

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

I. Timoteo 1:15

Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

I. Timoteo 2:10

ke so bi hnyi ta je huliwa ae so (wale ae ûcû ka omomo adre me haimemenâ a ödra tavat outen Khong.)

I. Timoteo 2:6

waleji at ame ka hamen ham e bi hnân ûcû melen tavat hia thithö; mʼ adre me he ka ohnathoâ hnyi je ûen ae ûcû;

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat:

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 10:24

ke so ate me ûnykûmeköuâ, me me he ka kû ibetengiö me ta je huliwa ae so;

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

Iakobo 4:8

Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,