Tito 2:12 - Iaai Bible 1901 (New Caledonia)

¹² ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Tito 2:12 ပူးပေါင်းရင်းမြစ်များ

Salamo 105:45

Mʼ adre me he ka vheno hnen ta je hna otilâ, Me long hoton anyin ta je hnanyibu. Oganö Ja thʼ öbun.

Salamo 4:3

Me khanʼ öbun dö a Iehova ame hia but hake ip at ae kap hobi kâu e bi: Ame he Iehova ka long iny ka hawâ

Ezekiela 36:27

Ke oge me he ka ip hanuk eû hnyibun, me wi öbun he ka vheno anyik je hnanyibu, mʼ öbun e he ka tuö hnok je hna owisa, me ânyâ.

Mataio 12:32

Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mataio 16:24

Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Luka 1:75

Hnyi hwakecin ae kap me wisa hnyi hnyimakan hnyi bonguta ta je bong bia thithö.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 6:25

Ke adre me wâ ju e hnyi ke keihen köiö, haingödra kâu, ka habe, Rabi, u je o eang kehö?

Ta je huliwa 24:16

Anyin a wale inya oge me hwege me me hu bala bi oûnykûmik ae so ka Khong me at.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 6:12

Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e:

Roma 6:19

Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap.

Roma 8:13

anyin a öbun e ne möt hoton unyin, hamöbun he ka mok; ke öbun e ne hlingâ ta je huliwa hnyi unyin ge hanu, öbun e he ka möt.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Kolose 1:22

hnyi unyin wale viny ûnyi ge mok, me me he ka omanenʼ öbun hnyi hnyimakan, a tavat ae kap, me ba okongon, me ba hnân haikongoâ:

I. Thesalonika 4:7

Anyin a ca hawʼ öta Khong ka hnyi hwakecin ae ikiki, ke hnyi hwakecin bi ae kap.

I. Thesalonika 4:9

Ke ca ûnyi hnathu bi a oge me he ka sihnalimen köbun ge bongon ibetengiö anyin hnyat me lakeiny: anyin a nʼ öbun Khong he ka ibetengiököu;

I. Timoteo 4:12

E so ame ca he ke at ka hmiân ânyâm hidröu; ke u me he ka bi tulut ka tavat labageju, ge hwâm hofuc, me hwaʼ kecâm, me ibetengiö, me labageju, me hwaʼ kecin ae kalaöt.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

I. Timoteo 6:9

Ke haba tavat adre me wedra he ka tren omjeû adre me ta but ka hnyi ûcûbic me hnewe me ta je weny ae monu me hnân okongo, wale hnân odilâ tavat hnyi ûohia me hnaûhango.

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.

II. Timoteo 4:10

anyin a hia but Dema hna degeci nya, kʼ ame hnyokâ hmeledrany, ke ame he but Thesalonika ai; ke Kerese ame he but Galatia ai, kʼ ame he but Tito Dalamatia ai.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Heberu 8:11

Kʼ adre me ca he bi ka ve nâ tavat ae hakekeny kodra, Ke je liamekeiny mʼ ödra, me ha, ka habe, Khanö u thö Than: Anyin ame he bi tavat hia thithö ka khanʼ ödra inya, Hwân ge tavat ae ûhnyûkong ke ne o but ge tavat ae gan gadra.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

II. Peteru 3:11

Ke can ame he ka hia ta je ûnyi e, me ieû hwakecin ae ûcû köbun? hawa e ca so öbun e he ka tavat ae hnathu hnyi hwakecin ae kap me hwakecin ae ûcû me Khong,

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

I. Ioane 2:6

haba at ame ha, ka habe, e ame laba eû hnyi hnyekon, me ûcû kâu he ka he helâ me ûheny.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

Juda 1:18

adre ha köbun, ka habe, Ame he ka o hnyi ûen a biliny tavat ûhiö, adre me hnu hoton ta je wedra ae ca ûcû me Khong.

Hna Omanenâ 14:12

Wale hok hnyok anyin wakap, tavat adre me löng hoton hnanyibu anyin Khong, me labageju kö Iesu.