Tito 2:11 - Iaai Bible 1901 (New Caledonia)

¹¹ Anyin a manen dut ibetengiö baû anyin Khong, wale ame hom möt ka tavat hia thithö,

Tito 2:11 ပူးပေါင်းရင်းမြစ်များ

Salamo 67:2

Mʼ adre me he ka wâ dem gethen eang hmeledrany, Me ânyâm ûhomeli hnyi ta je hnyei hia thithö.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 96:10

Ha thʼ öbun hnyi wanben ta je hnyei, ka habe, Ame musi Iehova: Ke tethmâ minya hmeledrany, kʼ ame ca he bi ka bwebwet: E ame he ka owisa ta je hnyei hnyi wisa.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Zakaria 4:7

U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Luka 3:6

Ke ame he tavat hia thithö ka wâ, ûhomeli anyin Khong.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 13:43

Ke ame vese but ûkhacaköu, me ame he hotu Paulo me Banaba tavat Juda ae se hia, me hnyat outen Khong adre me kap ka hnyi hmi Juda: me ödru me ha me ûne kodra he ka tethmâ hnyi betenge baû anyin Khong.

Ta je huliwa 13:47

Anyin a haba Than ame hûna kohmun, ka habe, Oge me otilö u, me hnân melaminy Aten ta je hnyei, Me u me he ka tot hnân ûhomeli ke ne o but hnyi can hmeledrany.

Ta je huliwa 17:30

Haba Khong ame hokhnyokâ ta je ûen waleji adre me ca wâ ûnykûme hnyin; ke e ame hûna ka tavat hia thithö hnyi je hnyei hia he ka ietra:

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Roma 5:15

Ke ca tha ûcû bi hna hanyâûâ me hna ham bâûâ. Anyin ame ne mok ut tavat ae se hia ûnyi ge monu anyin at a khaca, awe, ame he ka ti si ibetengiö baû anyin Khong, me hna ham hnen ibetengiö baû anyin at a khaca, Iesu Keriso, ka tavat ae se hia.

Roma 5:2

a deny e adre hia but hnʼ öta ûnyi ge labageju ka hnyi ibetengiö baû eang ate me tot hnyin; ke so ate me senyin me gejon hmanenanginy Khong.

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Galatia 2:21

Oge me ca oûnyibâûâ ibetengiö baû anyin Khong: anyin a ne hu hwakecin ae wisa ûnyi ge hnanyibu, awe, e ûnyi baû bi mok anyin Keriso.

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

I. Timoteo 1:14

ke ame ti si but ibetengiö baû anyin Tuhöta, me labageju, me ibetengiö wale ae unyin Keriso Iesu.

I. Timoteo 2:4

wale at ame weny tavat hia thithö he ka möt, me he ka o ka hnyi hna wâhmakhmetoâ hnathu.

II. Timoteo 1:10

ke manen walang ang ge ioiny At omeli öta a Keriso Iesu, waleji at a ohia mok, me omanenâ möt, me ca mok hmetu bi hnen ûthumetu ae so,

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

Heberu 2:9

Ke ate me ō Iesu, at adre hia but wia e me omi ûhnyûkong hmelen ta je angela, kʼ adre me obicâ ge hmanenang me hna ogânâ, anyin a e ame hom vecin mok, me me vheno mok hobi kâu tavat hia thithö hnen ibetengiö bâu anyin Khong.