Tito 1:8 - Iaai Bible 1901 (New Caledonia)

⁸ ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

Tito 1:8 ပူးပေါင်းရင်းမြစ်များ

I. Je Than 5:1

KE haba Hirama thaniny Turo ame kunâ lathnyabainy kö Solomona; anyin a e ame long a gʼ adre hû me me than hwaban kamen: anyin a Hirama ame labö hnyokö Davita.

I. Je Than 5:7

Ke a long ut Hirama hofuc ho Solomona, me e ame senyin gan hmâ, me ha, ka habe, Ole kö Iehova hnyi bong ang, at ame ham kö Davita nokon ae metâ he ka muso hnyei eling ae gan.

Salamo 16:3

Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

I. Thesalonika 2:10

Öbun hnyat ohnatho, me Khong minya, a öhmun e ânyâ hwakecin ae kap, me wisa, me ba hnyikongon köbun tavat labageju:

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

I. Timoteo 4:12

E so ame ca he ke at ka hmiân ânyâm hidröu; ke u me he ka bi tulut ka tavat labageju, ge hwâm hofuc, me hwaʼ kecâm, me ibetengiö, me labageju, me hwaʼ kecin ae kalaöt.

I. Timoteo 6:11

Ke haba u, aten Khong lö, kec dö ge ta je ûnyi e; me hnu hoton hwakecin ae wisa, me hwakecin ae ûcû me Khong, me labageju, me ibetengiö, me hok hnyok, me hwakecin ae menyik.

II. Timoteo 2:22

Kec dö ge ta je weny wahidröu, ke hnu hoton hwakecin ae wisa, me labageju, me ibetengiö, me ûsoköu, tha e mʼ ödra hia adre me hawâ ien Than, ûnyi hnyi hnyok ae kalaöt.

II. Timoteo 3:3

adre me ca betenge ge lahanödra, adre me höcö ûsoköu, tavat ûhaiö, me ca khanʼ ödra kât weny unyidra, me hwege hnyimakodra, me ca hnyok ûnyi ae so,

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

I. Ioane 3:14

E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

I. Samuela 18:1

KE haba hnyi ûen e ame umo fuc kö Saulo, me haba hnyeku Jonathana ame hwege hnyok kö Davita, ka ame betenge kâu Jonathana helâ me e ame ka hnyokâ hing hanon bi.