Tito 1:7 - Iaai Bible 1901 (New Caledonia)

⁷ Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

Tito 1:7 ပူးပေါင်းရင်းမြစ်များ

Genese 49:6

Hanuk lö, u ma ca he ka ûne gadru; Soik lö, ca bi hanen hnödru hna ûkha-caköu; Anyin ödre hlingâ at hnyi anyidru hmönyin, Me sö can bolok hnyi hnödru hna bi gan.

Ta je Vejec 14:17

Haba at ame ie hmonyin, me ame he ka ânyâ monu. Ke adre me hûkotiâ at bihihwakecin ae kong.

Ta je Vejec 15:18

Haba at ae hmonyin, me ame ohuâ iwatretra: Ke haba at ae bec he ka hmonyin, me ame thawâ ivino.

Ta je Vejec 16:32

E nua at ame bec he ka hmonyin, hon at ae hwege; Ke nua at ame muso hnyekon hon at ame hûgûnâ taun.

At Khet 7:9

Ca logot hnyekom he ka hmonyin, anyin a haba hnyekon at ae monu, me wale hnyaban hmonyin.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Ezekiela 44:21

Ke haba khaca, ame ca he ke at bihut ka ijem waina e ka dit ka hnyi hnyeule eio.

Levitiko 10:9

U me ca he ka ic waina me grâg, a u me je lakom unyâm, öbun ka didro ka hnyi uma ûkhacaköu, wâ öbun nye mokcu: wale hnanyibu nyiele balua, hnyi anyibun ta je dö:

Mataio 24:45

Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Efeso 5:18

Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu;

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

Tito 1:5

Oge me hnö u hnyi Kerete can ang, a u me he bi ha oumo ta je huliwa adre me tiga ca ânyâ, me otilâ wahingat hnyi ta je taun, helâ me hnok hna hûna köu;

Tito 2:3

Ke helâe minya wasohmeca, he ka hwakecin ae ûcû me Khong, ca tavat ûhaiö, ca tavat adre hom hwenbâ ge waina ae gan, ke so bi tavat ûnö ta je ûnyi ae so;

I. Peteru 4:10

helâ me hna ve kap bwihlany, e so he ka ûhuliwaköu, helâ me tavat tuö soâ ibetengiö baû anyin Khong ae se hia bongon;

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

II. Peteru 2:10

ke nua bi tavat adre me hnu hoton weny unyin ae kong, me oûnyibâûâ musi. Tavat adre me ca ot, ke tavat hwege ânyâ wedra, adre me ca ot he ka haikongoâ ta je musi: