Tito 1:5 - Iaai Bible 1901 (New Caledonia)

⁵ Oge me hnö u hnyi Kerete can ang, a u me he bi ha oumo ta je huliwa adre me tiga ca ânyâ, me otilâ wahingat hnyi ta je taun, helâ me hnok hna hûna köu;

Tito 1:5 ပူးပေါင်းရင်းမြစ်များ

I. Man Ûlabainy Je Than. 6:32

Ke ödrin e hnyi khumöng hnyi hnyimakan uma manoiny uma hnân ûkhacaköu, ke ne o but a hia but Solomona otilâ uma umo Iehova hnyi Jeruselema: ke ödrin e tot gaga hnyi je hanymodrin.

At Khet 12:9

Ke haba khaca, anyin ae metâ at Khet, me e ame nâ tavat ge metâ; eke, e ame ûnykûme, me elelâm, me ip gaga ta je vejec ae se hia.

Isaia 44:7

Ke ia ame he ka hongot helâ mönya, me haimemenâ, me penapena hobi könya, hwân hnyi hnok hna ip tavat kâû adrem? ke so adre me he ka haimemenâ ta je ûnyi ame he ka o, me ta je ûnyi ame he ka aat dö.

Levitiko 14:42

kʼ adre me he ka hom ke je veto me op hwaban je veto eling; kʼ ame he ka hom ke dröu me botro hmetu uma.

Ta je huliwa 11:30

me adre me ânyâ e, me kunâ ka wahingat a deny Banaba me Saulo.

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

Ta je huliwa 2:11

at Kerete, ma Arabic, ate me ling ödrin ödrin e fuc hnyi je ve hwen ita, kʼ ödrin e ha ge ta je huliwa ae man anyin Khong.

Ta je huliwa 27:12

Ke anyin ae kong wasaû he ka ikhölö hnyin hnyi ûen weneû, me ame ha tavat ae se gadrin ae so he ka kec ûhedra e, ame ne khanʼ ödra he ka khop hnyi Foinike me ikhölö hnyi ûen weneû; wale ke wasaû hnyi Kerete, cicö hwaiöu ke e jio, me hwadro ke e jio.

Ta je huliwa 27:13

Ke e so but ang a hwaiöu, me adre me ûnykûme he ka ohwâdâ ûnykûmenödra, me adre me vhik un dö, me kec cicö Kerete ke hakekeny hot.

Ta je huliwa 27:21

Ke e beû hmâ ûen adre ca han hnyin, haba Paulo ame tot hnyi wanbödra, me ha, ka habe, je than lö, öbun e ne long könya ehac, me ca kec ûheny Kerete, me ame ca he bi ka o kong ang me hna ohia ta je ûnyi.

Ta je huliwa 27:7

Ke se hia je bong ohmun e bec kec, ke gan hmâ anyihmun huliwa he ka hakekenyâ Nido, anyin ae kong ang, me ohmun e kec hmelen Kerete, cicö Salamone;

I. Korinito 11:34

A ne mekihnânem ke at, me so e ame han hnyi hnyaban; me me ca joniny bi anyibun ûkhacaköu. Ke oge me he ka owisa ke ta je ûnyi, iny ka o but.

I. Korinito 14:40

Ke so bi, ânyâ ta je ûnyi hia hnyi wisa, me hna penapena wia.

I. Korinito 4:17

Can e oge hia but kunö Timotheo köbun, wale nokuk, a oûnykûmik ke at ae hnathu ka Than, ke e ame he ka oûnykûmi öbun ge je hwakecik hnyi huliwa anyin Keriso, helâ me oge me nâ je ekalesia hnyi je dok hia.

Kolose 2:5

Eja ke ne a ne hiö nya hnyi unyin, inya unyibun hnyi hanu, kʼ oge me senyinâ me wâ hna laba wia a öbun, me ihwegien anyibun labageju ka Keriso.

I. Timoteo 1:3

Oge me sumatö u he ka laba hnyi Efeso ehac, ke helâe minya walang ang, waleji mʼ iny he Makedonia ai, mʼ u me he ka hûna ka keihen, a gʼ adre me ca he bi ka ûnö hofuc ae ke bongon,

II. Timoteo 2:2

Ke haba ta je ûnyi u je hia but löng ûnyi gak unyin tavat ohnatho ae se hia, ham but ka tavat ae hnathu, ae khanʼ ödra he ka ûne ka keihen minya.

Tito 1:12

Haba ke at gadra, a anyidra ke perofeta, ame ha ka habe, Haba at Kerete, me ödra tavat thoi bala, me ta je meno ûkûc ae kong, me tavat hwenhmiâ ae höcö huliwa.