Tito 1:2 - Iaai Bible 1901 (New Caledonia)

² hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Tito 1:2 ပူးပေါင်းရင်းမြစ်များ

Isaia 1:20

ke öbun e ne höcö ke ûkhin fuc, me adre me he ka ön öbun ge hele vat: anyin a hia but ha ge hnyimö Iehova.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Mareko 10:17

Ke e ame he eû hnyi gethen, me ame wadring ke at me cibouca kâu, me hnö e, ka habe, At ûne lö, ieû hanymök oge me he ka ânyâ me me hu thö könya möt ame ca ba balua!

Mareko 10:30

kʼ ame ca he ka kap walang ang hmetu wan handed, a je uma, me je liamekeiny, me lahaniny, me hinyen, me lakon, me ta hnyei, tha e me je vec; ke haba hnyi ûen ame he ka o thö, wale möt ame ca ba balua.

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ioane 6:54

Haba at ama an unyik me ijem drök, me hu but kâu möt ame ca ba balua; ke oge me he ka otilâ thö e hnyi bong a obiny.

Ioane 6:68

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Ta je huliwa 15:18

Haingen Than, at ame haimemenâ ta je ûnyi e hwân hnyi hna op hmeledrany.

Roma 1:2

waleji e ame ha bânâ a deny anyin ta je perofeta hnyi je hna sihnalimen ae kap,

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 5:2

a deny e adre hia but hnʼ öta ûnyi ge labageju ka hnyi ibetengiö baû eang ate me tot hnyin; ke so ate me senyin me gejon hmanenanginy Khong.

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 5:4

ke haba hokhnyok ame okûâ wâhmakhmetoâ; ke haba wâhmakhmeto ame okûâ gejon:

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

I. Thesalonika 2:15

waleji a tavat adre me hlingâ Than Iesu, me ta je perofeta, me obʼ öhmun, kʼ adre me ca osenyinâ Khong, ke ödra je iwahnaihmiony me tavat hia thithö;

I. Thesalonika 5:8

Ke haba öta aten melam, me so ate me metâ, me khavâ ûkhaûen ûlainy labageju me ibetengiö; me gejon möt hnân hnabicen vat.

I. Timoteo 6:12

Vâtâ thö vat ae so anyin labageju, kât hmâ ju möt ame ca ba balua, waleji adre me hawʼ u kâu, me hnâm hna haimemenâ so hnyi hnyimakan tavat ohnatho ae se.

I. Timoteo 6:19

me he ka ip hobi kodra bi tang om jeû ae so hnân hobi kâu nyiele, mʼ adre me he ka kât möt wale möt ae hnathu.

II. Timoteo 1:1

INYA Paulo, aposetolo anyi Iesu Keriso ûnyi ge weny Khong, hoton hna ha bânâ möt unyin Keriso Iesu,

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

II. Timoteo 2:13

ke ate ne ca hnathu, me hnathu bala bi e; anyin e ca khana he ka hamen ivinoâ e bi.

II. Timoteo 2:15

Hwege thö, me u me ka omanenö u bi a gʼ ame kap soi u Khong, mʼ u at huliwa ae ba hnân ohmehma, at ame huliwa wia hofuc ae hnathu.

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

Tito 3:7

me me hwajekhöûta hoton gejon ka hnyi möt ame ca ba balua, anyin adre me haiwisʼ öta ûnyi ge anyin ibetengiö baû.

I. Ioane 2:25

Ke walang hna ha bânâ waleji e ame ha bânâ köta, möt ame ca ba balua.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Juda 1:21

ke tuʼ öbun ju hnyi ibetengiö anyin Khong, ke halubahingen ju öbun ibetengiö baû anyin Tuhöta Iesu Keriso, ke ne o but ka hnyi möt ame ca ba balua.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 17:8

Haba meno u me wâ, me, ka e bi ehac, ke ba bi walang ang; ke e ame he ka ölö ûheny eû hnyi hmonop ae dit hmonyin me he but ka hnyi hnaûhango. Ke ame he ka lâiâ hnen tavat adre me laba hnyi hmeledrany, tavat adre me ca hia but set je iödra hnyi tusiny möt hwân hnyi hna bi taben hmeledrany, ödra ka wâ meno, a e bi ehac, ke ba bi walang ang, kʼ ame he ka o.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.