Tito 1:13 - Iaai Bible 1901 (New Caledonia)

¹³ E hnathu hna ha e. Anyin a wale u ma hwege nʼ ödra, mʼ adre me he ka so but hnyi labageju,

Tito 1:13 ပူးပေါင်းရင်းမြစ်များ

Salamo 119:80

E so e ba hnyikongon hnyekuk hnyi ânyâm ta je hnanyibu; Me inye ca he ka hmehma.

Salamo 141:5

E so he ka kuc nya hnen at ae wisa hwakecin, wale a betenge; Ke thawo nya, wale helâke wakaco hobi kâu ban; E so ame ca he bok ka höcö: Anyin oge me he bala ka hic, ödra ka ûokonguny.

Ta je Vejec 27:5

E so hwa ûne ae manen Hon betenge ae iyong.

Levitiko 19:17

U me ca he ka hûkötiâ eû hnyi hnyekom liamekeiny mou: u ma he bala ka thawâ at ame laba hakekenyi u, ke ca he ka bi jönâm gan.

II. Korinito 13:10

Wale m inye set ta je ûnyi ang ke tiga hiö nya, wa oge nye fuc hwege iny ka o köbun, hen me musi ame ham könya Than hnân otethmâ, ke ca hnân bi hagutâ.

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

I. Timoteo 4:6

U je ne he ka öûnykûmeâ je liamekeiny ge ta je hofuc, me u me he ka at huliwa ae so anyin Keriso Iesu, adre hat hnyi hofucin labageju, me ûne ae so, waleji u je hia but hnu hoton;

I. Timoteo 5:20

E so he ka nâ hnyi hnyimakan tavat hia thithö adre me ânyâ hulo, me me ot ju keihen.

II. Timoteo 4:2

ka habe, Khetâ thö hofuc; ke hwege thö hnyi ûen ae ûcû, me ûen ae ca ûcû; owisa thö, nâ thö, sihwege thö me hokhnyok beû hmâ me ûne.

Tito 2:15

Ha thö ta je ûnyi eang me sihwege me nâ hnyi musi hia thithö. E so ame ca he ke at ka hûköti u.

Tito 2:2

ka habe, hamen wahingat he ka hmâkâ, me hnyokâ wisa, me wâ wia, me hwege hnyi labageju, me ibetengiö, me hokhnyok.