Tito 1:11 - Iaai Bible 1901 (New Caledonia)

¹¹ e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

Tito 1:11 ပူးပေါင်းရင်းမြစ်များ

Salamo 107:42

Ame he tavat ae wisa ka wâ e me senyin; Kʼ ame he hia hulo ka kât hnyimen bi.

Salamo 63:11

Ke ame he than ka senyin ka Khong: Adre me he hia ka hobeluâ, wale tavat adre me khemanyin gan; Anyin adre me he ka hlöng hnyimen tavat adre me thoi.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Ezekiela 13:19

Ke öbun e hia but okongu nya unyin lakeik hwaban je hnyam bali, me je ujeû, he ka hlingâ tavat a ca hnân bi mok, me omelo tavat a ca hnân bi möt, hnen anyibun thoi ka ta je atök tavat adre me long thoi.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Luka 20:40

Ke hwaban e me ba hmetu at ae hwege hnyekon he ka hnö gan ke ûnyi.

Ioane 10:12

Ke haba at ame hok hwaban, wale ca at tuö mamoe bi, ke ca haleny minya bi ta je mamoe, haba at eling ame wâ luko ame he jem, me ame hna degecâ but ta je mamoe me kec, me ame ûlû ödra luko, me ovesei ödra:

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

II. Korinito 11:10

Hoton hnathu anyin Keriso unyik, me ba at ame he ka thawo nya hnyi hobeluâ eang hnyi je ke keihen Akaia.

I. Timoteo 5:13

Ke haba khaca adre me nâ he ka höcö huliwa, me he monu ka hnyi ta je uma, he ca hake höcö thibi huliwa, ke adre me ûsabû baû minya, me hngele ka wâ huliwa anyin keihen, me ha ta je hofuc ae ca ûcû ködra.

I. Timoteo 5:4

Ke a ne ke safac ae hu lakon, ke ame ne laöbiny, me so ödrin e mö nâ he ka ânyâ hwakecin ae so hnyi hnyabadrin bi, me bi troban ka lakamödrin me lahinyödra: anyin a wale ûnyi ae so hnyi hnyimakan Khong.

I. Timoteo 6:5

me ta je ûö hwege anyin tavat adre me hnyokâ hulo ke ca hu bi hnathu gadra, ke adre me ûnykûme, ka habe, haba hwakecin outen Khong me wale deny he ka hu kodra tang omjeû.

II. Timoteo 2:18

tavat ödrin e he monu ûhedra hnyi hnathu, haingödrin, ka habe, a um dö möt hmetu, mʼ ödrin e hagutâ degecâ labageju anyin keihen.

II. Timoteo 3:6

Anyin a keihen tavat helâe, adre me dit ka hnyi ta je uma, me hom hwenbâ omomo ae monu me hmak ge hulo, adre lili ödra hnen ta je wedra bi ae ke bongon bi,

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

Tito 1:9

at ame kât hmâ hofuc ae hnathu, helâ me hna nâ, me me khana he ka ûnö hna ûne hnân melen, me ohmehmelâ tavat adre me ivinö.

Tito 3:10

Obâ but at ame imouköu, hwaban hna okaca me olo nâ e;