Salamo 82:3 - Iaai Bible 1901 (New Caledonia)

³ Owisa thö ka at ae sënyin me nakahme: Anyâ thö wisa ka at ae vec me at ae theduoc.

Salamo 82:3 ပူးပေါင်းရင်းမြစ်များ

Jobu 29:12

Anyin a oge me omelö at a theduoc ame tenge, Me nakahme minya, waleji ae ba at ame hadruâ.

Jobu 31:21

Oge ne hia but hai hnyamok ka na kahme, Hnyi ûen oge wâ hiök hnyi homagöule:

Salamo 10:18

He ka owisa Ka nakahme me tavat adre ovecâ, Me me ca he hmetu bi at a aten hmeledrany ka hwege hnyimakan.

Esodo 23:3

ke u me ca he minya ka betenge ge at ae ba taʼ ûnyi, hnyi anyin ivinö.

Esodo 23:6

U ca he ka ohwalö hna owisa ka liamewaeny möu ae ba ta ûnyi, hnyi anyin ivinö.

Ta je Vejec 31:9

Fuc dö, owisa wia ju, Ivinoâ thö hobi kâu at ae vec me theduoc.

Isaia 1:17

nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 22:16

E ame owisa ivino anyin at ae theduoc me at ae vec; me ame so but e. Hawa, ame ca wâhmakhmetu nya e? haingö Iehova.

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Zakaria 7:9

Walang hna ha hnö Iehova tuhan sabaoth, haingen, ka habe, Owisa wia ju, ve omanenâ betenge me hnyok ae menyik ka je liamekeiny möbun:

Deuteronomi 10:18

E ame owisa hobi kâu nakahme, me safac, kʼ ame betenge ge atkanyua, me han, me okhavâ.

Deuteronomi 24:17

U me ca he ka ohwalö hna owisa ka atkanyua me nakahme; me hom ûkhaûen safac hnân haten:

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.