Salamo 72:9 - Iaai Bible 1901 (New Caledonia)

⁹ Ame he ka nom kâu tavat adre me laba hnyi hnyebuba; Ke ame he je iwahnaihmiöny mē ka drem kânâ.

Salamo 72:9 ပူးပေါင်းရင်းမြစ်များ

Genese 3:14

Ke Iehova Khong ame ha ka on, ka habe, u je hnaûhangö but hon ta je meno a vak can hia thithö, me hon ta je menoiny hnyot hia thithö, anyin a u je ânyâ helâe; u ma he ka iyâûâ hnyekom, me an sesâiny kânâ hnyi ta je bong hia bonginy ânyâm möt:

I. Je Than 9:18

me Baalath, me Tamara hnyi hnyebuba, hnyi hnyei,

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 110:6

E ame he ka owisa hnyi wanben ta je hnyei, E ame he ka öunöngötâ ta je dok ge je komok; E ame he ka kot muâ ban ta je hnyei ae se.

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Salamo 22:29

Ame he hia tavat ae pipikhenya eang hmeledrany ka han me khudrung: Kʼ ame he ka nom kâu tavat hia adre me he ka hnyi kânâ, Wale at ae ca khana he ka omelo e bi.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.