Salamo 69:8 - Iaai Bible 1901 (New Caledonia)

⁸ Iny atkanyua but unyin jē liamekeiny mönya, Iny helâ me aten ke hnyei ka lakon hinyök.

Salamo 69:8 ပူးပေါင်းရင်းမြစ်များ

Salamo 31:11

Can je iwahnaihmiony mönya, adre me haikongu nya; Eke, iny ti kong ut hnyi hnyimakan je liamewaeny mönya, ke at ootâ lahanök: Adre me kec gak tavat adre me ö nya eû hnyi gethen.

Salamo 38:11

Adre me tot sâkâû laihumik me je lahanik ge anyik mok. Ke ame tot sâkâû gak je liamekeiny mönya.

Salamo 89:51

Iehova lö, ânyâm ta je iwahnaihmiony adre me ûhiö, Waleji hnyi hnödra hna ûhiö ta je hna okca anyin at u je hû.

Salamo 89:52

E so he ka haisoi Iehova thö nyiele balua. Amen, me Amen.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Isaia 53:4

E hnathu e ame hia but vadren anyita ta je hlöuhlöu, ke hom tilâ anyita ta je vec: ke ate me ûnykûme e a gʼ adre hom oûhnyûkongoâ, a gʼ ame kot e ge Khong, kʼ adre ovecâ.

Jeremia 15:15

Iehova lö, u je wâ but: ûnykûmi nya ju, me senö nya, me bi hwaban ka tavat cak, ka tavat adre me sedö nya, ca hom digic nya hnyi hnâm hna ling vec ae beûhmâ: khanö u thö a adre hia but haikongu nya can iâm.

Mataio 26:56

Ke adre me ânyâ hia e me me hwâdâ hna sihnalimen ge ta je perofeta. Ke haba laten, me ödrin e hna but e me kec.

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 7:5

Anyin ame ca labageju minya kâu je liamekeiny mē.

I. Samuela 17:28

Ke haba Eliaba a tuhan ame long hnyi ûen e ame ûhnenamö me tavat; kʼ ame ubâhlâ hmonyin anyi Eliaba kö Davita me e ame ha, ka habe, U je o eang kâ ieû? me u je hna kö ia je ong mamoe hnyi hnyebuba? Oge me wâ bi gan gam, me hnyekom ae monu; anyin a u je he jem he ka hnyi wâ vat.