Rutha 4:6 - Iaai Bible 1901 (New Caledonia)

⁶ Ke haingen at a ti hanen lap, ka habe, E ca khanö nya he ka ûco hobi kônya bi, wâ e nye kong ut ik: u me he ka ûco hûdrök, anyin ae ca khanö nya he ka ûco e.

Rutha 4:6 ပူးပေါင်းရင်းမြစ်များ

Genese 38:8

Ke Juda ame ha kö Onana ka habe Laba ju ka momo âiân tuhâm, me hom e we bi mâtrâniny tuhâm.

Levitiko 25:25

A ne ba but ta ûnyi anyin liamekeiny mou, me ame ûco ke keihen iny, me hamen ke hing liamekeiny mē he ka o but me ûco hmetu unyi a ûco hnen liamekeiny mē.

Deuteronomi 25:7

Ke ame ne ca weny baga he ka hom safaciny liamekeiny me, me hamen safaciny liamekeiny me ka he ka hnyi homagöule ka wahingat me ha, ka habe, E höcö liamekeiny me öiök he ka okûâ hnyi Isaraela ien liamekeiny mē, e höcö he ka ânyâ hanymen liamekeiny mē könya.

Deuteronomi 25:8

Me ame he wahingatiny anyin taun ka hawa baga, me fuc kâu: ke ame ne tot baga, me ha, ka habe; E ca wek he ka hom momo e;

Deuteronomi 25:9

awe, ame he momo a âiân liamekeiny mē ka he kâu hnyi hnyimakan wahingat, me uny dut taben hnyeûcan baga, me hangöcâ hnyimakan, me ha, ka habe, Adre me he ka ânyâ helâe ka at ame ca otilâ lap anyin liamekeiny mē.

Rutha 2:20

Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.

Rutha 3:13

Me mokut ju i hnyi lit ang, ke hnyi hnyomakatu, ame ne he ka ânyâ köu hanymen at ame bi hanen lap, me e so; e hamen he ka ânyâ: ke ame ne hôcö he ka ânyâ köu hanymen at ame bi hanen anyitin lap, awe, hamök bi he ka ânyâ köu hanymen at ame hakekeny köu, kia inya Iehova: mokut ju, ke ne o but ame lany dö.

Rutha 3:9

Ke haingen, ka habe, ü ia? Haingen, Inya Rutha athnyabaem, u me he ka khavö nya a athnyabaem ge baten ânyâm imano, anyin a u at a ti hanen anyitin lap.