Rutha 4:4 - Iaai Bible 1901 (New Caledonia)

⁴ ke oge me ûnykûme he ka omanenâ kâu, me ha, ka habe, Hamâm he ka ûco e hnyi hnyimakan je hnyat ödrin e laba eang, me hnyi hnyimakan wahingatiny labanök. Ke u me ne he ka ûco, awe, ûco thö: ke u je ne ca he ka ûco, me ha thö kônya, me me khanö nya thö: anyin ae ba hmetu ke at ame he ka ûco, ke u thibi; ke inya thibi ûtangköu mou. Me haingen, Oge me he ka ûco.

Rutha 4:4 ပူးပေါင်းရင်းမြစ်များ

Genese 23:11

E ba than lö, ling nya ju: haba utkânâ inya oge me ham but köu, me op eû hnyin oge me ham köu; oge me hna but köu hnyi hnyimakan lakon aten ik hnyei: konâm ju kokâm.

Genese 23:18

kö Aberahama me gan hnyi hnyimakan je lakon Heth a tavat hia adre me didrö ka hnyi homagöuleny anyin taun.

Jeremia 32:25

Ke haba u Than Iehova u je hia but ha könya, ka habe, Ûcû em ju hwaban mone, me hawâ tavat ohnatho; ke so bi, adre hia but hna taun ka at Kaledaia.

Roma 12:17

Ca bi hwaban bi monu anyin ke at ge monu. Penapena thö ta je ûnyi ae ûcû hnyi hnyimakan tavat hia.

II. Korinito 8:21

anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat.

Deuteronomi 25:8

Me ame he wahingatiny anyin taun ka hawa baga, me fuc kâu: ke ame ne tot baga, me ha, ka habe; E ca wek he ka hom momo e;

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

Rutha 2:20

Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.

Rutha 3:12

Ke e hnathu oge me ti hanen köu, ke so bi e hu ke at ae hakekeny hmonyin köu hnyi lap.

Rutha 3:9

Ke haingen, ka habe, ü ia? Haingen, Inya Rutha athnyabaem, u me he ka khavö nya a athnyabaem ge baten ânyâm imano, anyin a u at a ti hanen anyitin lap.