Rutha 4:11 - Iaai Bible 1901 (New Caledonia)

¹¹ Me ame ha tavat hia thithö hnyi homagöule me je hingat, ka habe, Ohmun tavat ohnatho. Hamö Iehova he ka wia momo ame he ka o ka hnyi umâm uma me me helâ me Rakela me Lea, li at ödre otilâ lap anyi Isaraela: ke e so u me tren ûnyi ae ûcû hnyi Eferatha, me lung hnyi Beth-eleema:

Rutha 4:11 ပူးပေါင်းရင်းမြစ်များ

Genese 23:10

Ke haba Eferona ame hnyi laba unyin lakon Heth: me Eferona at Heth ame thu kö Aberahama, ke ame löng lakon Heth, walʼ ödra hia adre me didrö ka hnyi homagöuleny taun, haingen, ka habe,

Genese 24:60

Me ödrin e ha hnahici Rebeka, me ha kâu, ka habe, Hanihmun lö, e so u ma he ka hinyen ta je thauzan me je libenyita ta je thauzan, ke so ame he je mâtrânâm ka laba hnyi ta je homagöuleny tavat adre me hûköti ödra.

Genese 29:16

Ke lo laku Labana li hlu: haba ien atö, me, Lea, ke Rakela ien wakeiat.

Genese 29:25

Ke wâ bi, hnyi hnyomakatu Lea bi eling: me e ame ha kö Labana, ka habe, Ieû e u je ânyâ könya? hawa, oge ca huliwa köu hwabö Rakela? ieû gam u je iyawö nya.

Genese 29:32

Ke Lea ame erkin dut me e ame hnokoâ da, me hwenyi ien Reubena: ke haingen, ka habe, Anyin a wâ but Iehova anyik vec; kʼ ame he öiök ka betenge gak walang ang.

Genese 35:23

haba je laku Lea; Reubena, nöku Jekob a bân, me Simeona, me Levi, me Juda, me Isakara, me Zebulona:

Genese 35:24

ke haba li laku Rakela; Josefa, me Beniamina:

I. Je Than 21:8

Me haba momo ama sihnalimen je tusi me ha iö Ahaba, me ohmâ ge haten anyin than, me e ame kunâ je tusi ka wahingat me je taben hnyi anyin taun, wale hnyat ödrin e tha laba me Nabotha.

I. Man Ûlabainy Je Than. 2:51

me Solema kamö Bethe-leema, me Haref kamö Bethe-gader.

Salamo 132:6

Wâ bi ate me long ûnyi eling hnyi Eferatha: Ate me wâ but e hnyi ta hnyei hnyi hnyot.

Ta je Vejec 14:1

TA je momo ae metâ adre me ve ânyâwia ta je hnyabadra: Ke haba momo ae monu ame thang degecâ hnen li hnyamen bi.

Ta je Vejec 31:23

E manen dut âiân hnyi homagöule, A ne tha laba me wahingatiny hnyei.

Jeremia 32:10

Me oge me set iök hnyi hna ûhihinyköu, me okeceâ haten, me hawâ tavat ohnatho, me tuluto mone hnyi tulut.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 2:6

Ke haba u Betheleema hnyei Juda, U ca ûhnyûkong ge je taben hnyi hnyei Juda: Anyin ame he ka o gam at musi, At ame he ka muso lakeik a at Isaraela.

Deuteronomi 25:7

Ke ame ne ca weny baga he ka hom safaciny liamekeiny me, me hamen safaciny liamekeiny me ka he ka hnyi homagöule ka wahingat me ha, ka habe, E höcö liamekeiny me öiök he ka okûâ hnyi Isaraela ien liamekeiny mē, e höcö he ka ânyâ hanymen liamekeiny mē könya.

Deuteronomi 25:9

awe, ame he momo a âiân liamekeiny mē ka he kâu hnyi hnyimakan wahingat, me uny dut taben hnyeûcan baga, me hangöcâ hnyimakan, me ha, ka habe, Adre me he ka ânyâ helâe ka at ame ca otilâ lap anyin liamekeiny mē.

Rutha 1:2

Ke Elimelek ien at, ke Naomi ien âiân, ke Malona, me Kiliona ien li lakon, je hnyat Eferatha ûheny Bethe-leema-juda. Ke ödrin e o but hnyi hnyei Moaba, me laba eling.