Rutha 4:10 - Iaai Bible 1901 (New Caledonia)

¹⁰ Ke khaca oge ûcû Rutha at Moaba äiö Malona, me öiök, me inya oâ ien at a mok hon iny, me me ca hia ien at a mokcu unyin je liamekeiny më, me ûnyi hnyi homagouleny anyin taun: öbun e tavat ohnatho hnyi bong ang.

Rutha 4:10 ပူးပေါင်းရင်းမြစ်များ

Genese 29:27

Oumo thö wikiny at ang, ke öhmun e he ka ham minya köu ke at, a hwaban huliwa u ma he ka ânyâ könya hnyi seven hmetu ta je huna.

Genese 38:9

Ke a wâ but Onana a ga me ca he ka mâtrâniny bi; me e ame laba ka momo âiân tuhan, kʼ ame hingâlâ ka hnyi kânâ wâ e nye bi mâtrâniny tahan.

Salamo 109:15

E so e he ka e bala ta je ûnyi e hnyi hnyimakö Iehova, Me me be ka subâ degecâ ûnyi eang hmeledrany hna ûnykûme kodra.

Salamo 34:16

Kʼ ame khot bi hnyimakö Iehova ka tavat adre me ânyâ hulo, He ka subâ degecâ but nyingen hna ûnykûme kodra ûnyi ge aten hmeledrany.

Ta je Vejec 18:22

Haba at ame wâ momo e me âiân bi, me ame wâ so, Ke ame betenge gan Iehova.

Ta je Vejec 19:14

Haba uma me omjeû, me wale jekhoû ûnyi ge lakamen: Ke ûnyi ga Iehova âiân a momo wâ wia.

Isaia 48:19

ke helâ me öny ta je mâtrânâm, ke haba wan hnyekom me helâ me ûseiny je waöny: adre me ca he ka subâ degecâ me ohia ien hnyi hnyimakök.

Hosea 12:12

Ke haba Jekob ame kec ka hnyi utkânâ hnyi Aram, kʼ ame huliwa Isaraela hnân he ka bi hwaban momo, kʼ ame tuö mamoe hwaban âiân.

Hosea 3:2

Ke oge me ûco e hwaban je ong sileva a fiftin, ke khaca homer bali, ke haf homer bali:

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Efeso 5:25

Obaga lö, betenge ju ka laöiöbun, helâ me hnen Keriso hna betenge ge ekalesia, ame ka bâm e bi hobi kâu e;

Deuteronomi 25:6

Ke haba nokon a bân e ame he ka hnoköâ hnen momo, me adre me he ka wenyö ien liamekeiny me baga at eji a mok, me me ca he ka hia ien hnyi Isaraela.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?

Rutha 4:9

Ke Boaza ame ha ka je hingat me tavat hia thithö, ka habe, Öbun e ohnathoâ hnyi bong ang a oge ûco ta je ûnyi hia anyi Elimelek, me ta je ûnyi hia anyi Kiliona me Malona ûnyi ga Naomi.