Rutha 3:3 - Iaai Bible 1901 (New Caledonia)

³ He thö ka soû, me suö wakaco, me khavâ ânyâm je ûkhaû, ke he thö ka hnyi hna huje hwit: ke u me ca he ka omanenö u bi ka at, ke ne o but e ame um dö han me ic.

Rutha 3:3 ပူးပေါင်းရင်းမြစ်များ

II. Samuela 12:20

Me haba Davita ame todrö ûheny hnyi kânâ, me soû, me hû ge wakaco, me khavâ ke je ûkhaûen; me o ka hnyi uma umo Iehova, me khudrung: me e ame he ka hnyi umen uma; ke e ame hûna ködrin, me ödrin e ip jeû hnyi hnyimakan, me e ame han.

II. Samuela 14:2

Ke Joab ame ûkhûnöng Tekoa ai, me hawâ ke momo ae metâ, me ha kâu, ka habe, Ö u me he ka tenge thoi, me khavâ je ûkhaûen hnyamok, kʼ u me ca he ka sûö wakaco, kʼ u me he ka helâ me momo ame tenge beû can at a mokcu:

Esetera 5:1

KE haba hnyi bong a kuniny, haba Esetera ame khavâ je ûkhaûen than, me tot hnyi hnyeule eio hnyin uma umen than, cicö uma umen than: ke haba than ame laba hon anyin theron hnyi uma umen than, cicö hwânuma.

Salamo 104:15

Me waina minya hnân osenyinâ hnyekon at, Me wakaco hnân hmanâ hnyimakan, Me jeû hnân sihwegiâ hnyekon at.

At Khet 9:8

E so e hau bala je khaûâm; ke ca he ka hia wakaco hnyi hon bâm.

Ezekiela 16:9

Ke oge me osûö u ge köiö; eke, oge me kot degecâ drâm hnyi unyâm, me hû u ge wakaco.

Mataio 6:17

Ke haba u, u ka he ka ânyâ ca han, hneû but bâm, ke ânyâwia hnyimâkâm;

Rutha 3:2

Hawa, ca hanötin Boaza wale u me tha he me anyin je hlu? Wâ bi, e ame he ka huje bali eâu hnyinghet hnyi hna huje hwit.

Rutha 3:4

Ke e ka he bi ka mokut, me hamâm he ka wâhmakhmetoâ dok e ame he ka mokut hnyin, ke u me he ka he me hai kubö hnyi li can, me mokut ju; ke e ame he ka ha köu hanymâm he ka ânyâ.