Rutha 3:13 - Iaai Bible 1901 (New Caledonia)

¹³ Me mokut ju i hnyi lit ang, ke hnyi hnyomakatu, ame ne he ka ânyâ köu hanymen at ame bi hanen lap, me e so; e hamen he ka ânyâ: ke ame ne hôcö he ka ânyâ köu hanymen at ame bi hanen anyitin lap, awe, hamök bi he ka ânyâ köu hanymen at ame hakekeny köu, kia inya Iehova: mokut ju, ke ne o but ame lany dö.

Rutha 3:13 ပူးပေါင်းရင်းမြစ်များ

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

II. Korinito 1:23

Ke inya oge me hawâ Khong he ka ohnathoâ hon hanuk, a habaji kʼ iny tiga ca mwi bi Korinito, me, inya oge me betenge gabun.

Heberu 6:16

Anyin a hwakecin tavat he ka khemanyin ge at ae gan: ke haba ûhihi-nyköu me wale obiny hnân ohnatho hnyi anyidra ta je iwatretra hia thithö.

Owisa 8:19

Me e ame ha, ka habe, Je liamekeiny mönya ödrin, a tha hinyöhmun; kia inya Iehova, öbe ne omeli ödrin, me oge me ca he bi ngâ ka hlingʼ öbu.

Rutha 2:20

Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.

Rutha 3:12

Ke e hnathu oge me ti hanen köu, ke so bi e hu ke at ae hakekeny hmonyin köu hnyi lap.

Rutha 4:5

Haba Boaza ame ha ka habe, Hnyi bong u me he ka ûco hnyin ûnyi ga Naomi u me he ka ûco minya ûnyi ga Rutha at Moaba, âiân at a mokcu, he ka oâ ien at a mok hon iny bi.

Rutha 4:6

Ke haingen at a ti hanen lap, ka habe, E ca khanö nya he ka ûco hobi kônya bi, wâ e nye kong ut ik: u me he ka ûco hûdrök, anyin ae ca khanö nya he ka ûco e.