Rutha 3:12 - Iaai Bible 1901 (New Caledonia)

¹² Ke e hnathu oge me ti hanen köu, ke so bi e hu ke at ae hakekeny hmonyin köu hnyi lap.

Rutha 3:12 ပူးပေါင်းရင်းမြစ်များ

Mataio 7:12

Anyin a wale, haba ta je ûnyi öbun e weny e me he tavat ka ânyâ köbun, ânyâ thö e kodra: anyin a wale hnanyibu me ta je perofeta.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

Rutha 2:20

Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.

Rutha 3:11

Ke walang nokuk i u ma ca ot; oge me he ka ânyâ hobi köu helâ me hna ha gam, anyin a wâ but taun hia anyin lahanök a u momo ae so hwakecin.

Rutha 3:13

Me mokut ju i hnyi lit ang, ke hnyi hnyomakatu, ame ne he ka ânyâ köu hanymen at ame bi hanen lap, me e so; e hamen he ka ânyâ: ke ame ne hôcö he ka ânyâ köu hanymen at ame bi hanen anyitin lap, awe, hamök bi he ka ânyâ köu hanymen at ame hakekeny köu, kia inya Iehova: mokut ju, ke ne o but ame lany dö.

Rutha 4:1

KE haba Boaza ame he ka hnyi homagöule me laba ju eling: ke wâ bi, ame he at a hanen anyidrin lap, wale at a ha ga Boaza; me e ame ha kâu, ka habe, E, ketha lö! aiö u, laba ju eang. Me a ame saû thö me laba ju.

Rutha 4:4

ke oge me ûnykûme he ka omanenâ kâu, me ha, ka habe, Hamâm he ka ûco e hnyi hnyimakan je hnyat ödrin e laba eang, me hnyi hnyimakan wahingatiny labanök. Ke u me ne he ka ûco, awe, ûco thö: ke u je ne ca he ka ûco, me ha thö kônya, me me khanö nya thö: anyin ae ba hmetu ke at ame he ka ûco, ke u thibi; ke inya thibi ûtangköu mou. Me haingen, Oge me he ka ûco.