Rutha 3:10 - Iaai Bible 1901 (New Caledonia)

¹⁰ Me e ame ha, ka habe, E so u hnahic nokuk ga Iehova: e beönua ânyâm betenge walang ang hnyi obiny, hon ehac hnyi hwân, anyin a u je ca hnu hoton je hidröu, ame me ca tren omjeû, kʼ ame ne tren ta ûnyi.

Rutha 3:10 ပူးပေါင်းရင်းမြစ်များ

Genese 24:31

Me e ame ha, ka habe, Hna ohnahicâ hnö Iehova lö, didrö; ieû gam u me tot eû? anyin oge hia but ânyâwia uma, me hna mokut hobi kâu je kamela.

Rutha 1:8

Haba Naomi ame ha ka laûngon, ka habe, E, ve hmetu ju öbu ka hnyi li uma umen lahinyöbu: ke so ame he Iehova ka betenge gabu, helâ me hnöbu hna ânyâ ka li komok, mönya minya.

Rutha 2:11

Ke Boaza ame thu me ha kâu, ka habe, Adre hia but thumetu nya ge hnâm hna ânyâ ka ûngom hwaban mok a âiâm: ke u je hna degecâ kâmâm me hinyâm, me hnyei adre hnokʼ u hnyin, me he jem ka tavat u je ca wâ ehac.

Rutha 2:20

Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.

Rutha 2:4

Ke wâ bi, ame o but Boaza ûheny Bethe-leema, me ha ka hnyat subâ, ka habe, E so e unyibun Iehova. Ke ödrin e thu, ka habe, E so Iehova ame ohnahici u.

Rutha 3:9

Ke haingen, ka habe, ü ia? Haingen, Inya Rutha athnyabaem, u me he ka khavö nya a athnyabaem ge baten ânyâm imano, anyin a u at a ti hanen anyitin lap.

I. Samuela 15:13

Ke ame o but Samuela kö Saulo: ke Saulo ame ha kâu, ka habe, E so u hnahic ga Iehova: ke oge hia but ânyâ ûnyi a hûna ga Iehova.