Rutha 2:14 - Iaai Bible 1901 (New Caledonia)

¹⁴ Ke haba hnyi ûen han, me haba Boaza ame ha kâu, ka habe, He thö jem he ka hnyi han areto me hneû âm hnyi vinega. Me e ame tha laba me tavat subâ: ke adre me inâ kâu je hwit adre le, me e ame han me sekon ke hu kolon bi.

Rutha 2:14 ပူးပေါင်းရင်းမြစ်များ

II. Samuela 17:28

ödrin e hom je hna mokut, me je kumete, me je kaia kânâ, me je hwit, me hali, me falawa, me hwit adre le, me je wan owi, me je lentil, me je hna le,

Salamo 23:5

U je penapena laulau hobi könya hnyi hnyimakan je iwahnaihmiony mönya: U je hia but hû bok ge wakaco; ame babihingölö thö anyik kaia.

Isaia 32:8

Ke haba at betenge e ame elâm deny betenge, ke e ame he ka tethmâ ûnyi ge hwakecin betenge.

Isaia 58:7

Hawa, ca e bi minya, he ka khenâ âm je jeû ka at ae mekihnânem, ke u me he ka hom tavat ae theduoc adre me obâ but ka hnyi hnyabam? ke u ka wâ at ame he thu mʼ u me he ka okhavâ e; ke u me ca he bi ka lubaduöng ge je liamekeiny möu.

Mataio 14:20

Ke ödra hia adre me han, me ame sekudra ju: ke adre me hom je kolon adre thuthu a unöngöt dö je tang a twelv.

Deuteronomi 11:15

Ke oge me he ka ham hna önying ka hnyi em hnyei, hobi kâu halem omeno, ke u me he ka han me sekom.

Deuteronomi 8:10

Ke u me he ka han sekon, me u me he ka hasoi Iehova Khongom ge hnyei ae so e ame ham köu.

Rutha 2:13

Me e ame ha, ka habe, Me betenge ju gak, tuhok; anyin a u je otubweli nya, me ha kônya a athnyabaem hofuc ae so, eja ke ne ca ûcû me lathnyabaem omomo inya.

Rutha 2:15

Ke e ame tot hmetu he ka hlo, me Boaza ame ha ka anyin je hidröu ka habe, E so e ame he ka hlo hnyi wanben je thi bali, ke ca oû bi.

Rutha 2:18

Ke e ame hijen me he ka hnyi taun: ke a wâ but ûngon ûnyi e ame hlo: ke e ame hom me ham kâu kolon hnen hna han.

I. Samuela 17:17

Ke haba Jese ame ha kö Davita a nokon, ka habe, Hom dö walang ang ka latuhâm a kun, khaca efa hwit eang adre le, me je areto eang a ten, me hom mweimweiâ ka hnyi hna hunuma ka latuhâm a kun:

I. Samuela 25:18

Me Abigaila ame ie hom je areto a tu haded, me li waina, me faiv ta mamoe adre hia but penapena, me faiv ta tulut hwit adre le, me khaca haded je de wan vine adre hlec meleca, me lo li haded u ometâ, me ip hon je asina.