Rutha 1:2 - Iaai Bible 1901 (New Caledonia)

² Ke Elimelek ien at, ke Naomi ien âiân, ke Malona, me Kiliona ien li lakon, je hnyat Eferatha ûheny Bethe-leema-juda. Ke ödrin e o but hnyi hnyei Moaba, me laba eling.

Rutha 1:2 ပူးပေါင်းရင်းမြစ်များ

Genese 35:19

Ke a mokcu Rakela, me adre me konâm hnyi gethen ka he Eferatha ai, wale (Bethelema).

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Owisa 17:7

Ke wale ke hidröu ûheny Bethe-leema-juda, hanen lap anyi Juda, ke e at Levi bi, ke e ame laba kanyua eling.

Owisa 3:30

Ke adre hom ûhnyûkongu Moab hnyi bong eling hmelen hnyamen at Isaraela. Ke ame i menâ hnyei eite je huna.

Rutha 1:3

Ke ame mokcu Elimelek öiö Naomi, ke e biju me li lakon.

Rutha 1:5

Ke ame tha mokcu Matana, me Ki liona; ke ödrin e mok degecâ monu hnen âiân me lakon li baga.

Rutha 2:1

KE e hu waeny öiö Naomi, at tren omjeû ae gan, hanen lap anyi Elimelek; Boaza ien.

Rutha 4:9

Ke Boaza ame ha ka je hingat me tavat hia thithö, ka habe, Öbun e ohnathoâ hnyi bong ang a oge ûco ta je ûnyi hia anyi Elimelek, me ta je ûnyi hia anyi Kiliona me Malona ûnyi ga Naomi.

I. Samuela 1:1

E HU ke at ûheny Ramathaima-sofima unyi hnyi hnyei ae hut hnyi Eferaima, Elekana ien, nöku Jerohama, nöku Elihu, nöku Tohu, nöku Zuf a at Eferaima:

I. Samuela 17:12

Ke haba Davita, me nokon at Eferatha, adre hwenyi ien Jese, at Bethe-leema-juda; ke eit lakon obaga: ke e at ae hingat ut hnyi je bong bongu Saulo, ke e hingat ae hnathu unyidra.

I. Samuela 17:21

Ke haba at Isaraela me at Filisiti ödrin e ve tot metâ, ke vat cicö ke vat.