Rutha 1:17 - Iaai Bible 1901 (New Caledonia)

¹⁷ haba dok u me he ka mokcu hnyin me oge me he bi nya ka mokcu eling, mʼ adre me he ka konim nya hnyin: e so ame he Iehova ka ânyâ helâe kônya me bi hanen bi, ame ne he ke ûnyi ka ovesei otu, he so bi mok thibi.

Rutha 1:17 ပူးပေါင်းရင်းမြစ်များ

II. Samuela 15:21

Haba Itai ame thu ka than, ka habe, Kia inya Iehova, ke kia inya than a tuhok, haba inya athnyabaem oge me he ka tha laba hnyi dok ame laba hnyin than a tuhok.

II. Samuela 19:13

Ke ha thö kö Amasa, ka habe, Hawa, ca jeiök u me utioik? e so Khong ame ânyâ helâe könya me bi hanen minya, u je ne ca he ka taben utbavat hnyi hnyimakök bala hwabö Joab.

II. Samuela 3:35

Ke ame o but tavat biâ ka kunö Davita ka han falawa e me tiga lany; ke Davita ame khemanyin, me ha, ka habe, Hamen Khong he ka ânyâ helâe könya me bi hanen minya, oge ne kâlâ falawa, ame ne ke jeû bi, e ka tiga ca dit bi seûnö.

II. Samuela 3:9

Hamen Khong he ka ânyâ helâe kö Abinera, me bi hanen minya, oge ne ca he bi nya ka ânyâ kö Davita helâ me Iehova ame khemanyin kâu;

I. Je Than 13:31

Ka hia but konâm e, me e ame ha ka lakon, ka habe, Iny ka mokcu öbun e he ka konim nya hnyi erkemok hon aten Khong; ip ju je jeiök hnyi je jeien.

I. Je Than 19:2

Me haba Jezebela ame kunâ ûthumetu kö Elia, me ha, ka habe, Ame be je khong ka ânyâ helâe könya me bi hanen minya, oge ne ca ânyâ ânyâm möt me me tha ûcû me möt anyin ke at gadrin, ame ne bong nyi hnyi awa eang.

I. Je Than 2:23

Haba Solomona than ame khemanyin ga Iehova me ha, ka habe, Ame he Khong ka ânyâ helâe könya me bi hanen minya, a ne ca ha Adonia hofuc e hnân hangâ e bi.

I. Je Than 20:10

Haba Ben-adada ame ukhû-nöng kâu me ha, ka habe, Ame he je khong ka ânyâ helâe könya me bi hanen minya, ame ne ûcû kânâiny Samaria, me me ûsa khaca hna auk hobi kâu tavat adre me he ka hnu hotuk.

II. Je Than 6:31

Ke e ame ha, ka habe, Ame he Khong ka ânyâ helâe könya me bi hanen dö minya, ame ne e bala bö Elisaia nöku Safata hnyi bong ang.

Salamo 45:10

Nokuk hlu lö, long ju, me ûnykûme ju, me tevehlöng ju; E so u ma hnying ut em hnyei me hnyaban kâmâm;

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Rutha 1:16

Me Rutha ame ha, ka habe, Ca ûjongi nya bi he ka hna degeci u, me hmetu gam; anyin a haba dok u ma he ka hnyin me oge me he bi nya ka he kâu: ke haba dok u ma he ka labâ, me oge me he bi nya ka labâ: me haba lahanâm ame he ka lahanök bi, me Khongom ama Khonguk bi:

Rutha 4:15

Ke e ame he ka otubweli u, me hat u hnyi somaca a u, anyin ame hnokoâ nokon ge ûngom at ame betenge gam, ke beönua anyin ibetengiö köu hon lakom je baga a seven.

I. Samuela 14:44

Ke haingö Saulo, ka habe, Ame he Khong ka ânyâ helâe me bi hanen ke e hnathu u me he ka mok, Jonathana.

I. Samuela 20:13

Ke so Iehova ame ânyâ helâe kö Jonathana, me bi hanen minya, ame ne so kö cica he ka okongu u, me oge ne ca omanenâ köu, me kunö u, me u me he ka he hnyi hnahic: ö e tha Iehova mou helâ me hnen hna tha e me cica e hac.

I. Samuela 25:22

E so Khong ame ânyâ helâe me bi hanen ka je iwahnaihmiony me Davita, oge me ne he ka bi kolon ke da a khaca hnyi ta je ûnyi hia thithö unyin e ka o thö lany hnyi hnyomakatu.

I. Samuela 3:17

Ke haingen, ka habe, Ieû ûnyi adre hia but ha köu? Ö u ca he ka ikhâlâ gak: e so ame be khong ka ânyâ helâe köu, me bi hanen u je ne ikhâlâ ke ûnyi wale a ha köu.