Rutha 1:11 - Iaai Bible 1901 (New Caledonia)

¹¹ Haba Naomi ame ha, ka habe, Hmetu ju öbu laûnguk: öbu me he ka tha he mönya geû? hawa, e hu je lakuk hmetu bi baga eû hnyi hnyekuk me me li öiöbu?

Rutha 1:11 ပူးပေါင်းရင်းမြစ်များ

Genese 38:11

Ke Juda ame ha kö Tamara a ûngon, ka habe, Laba safac ju hnyi hnyaban kâmâm, ke ne o but ame gan dut Sela a tökuk: anyin a haingen, Wâ e nye mok minya ju helâ me latuhan. Kʼ ame he Tamara me laba hnyi hnyaban kamen.

Genese 38:9

Ke a wâ but Onana a ga me ca he ka mâtrâniny bi; me e ame laba ka momo âiân tuhan, kʼ ame hingâlâ ka hnyi kânâ wâ e nye bi mâtrâniny tahan.

Deuteronomi 25:5

Ame ne tha laba je liamekeiny, ke ame mokcu ke at gadrin ke ba nokon, me ame ca he momo a âiân at ae mokcu ka he hnyou ai me me âiân ke atkanyua bi: ke ame he liamekeiny me âiân ka hom e me âiân bi, me ânyâ kâu hanymen liamekeiny me âiân.

Rutha 1:10

Ke ödru me thu bi kâu, ka habe, ohmu me he ka tha he mou ka je lahanâm.

Rutha 1:12

Hmetu ju öbu laûnguk, ke he thö; anyin oge somaca but, ke ame ca he hmetu ka hu öiök. Oge ne ha, ka habe, E hu hnageju gak, oge ne he ka hu öiök eâu hnyinghet, me hnokoâ je baga: