Roma 9:5 - Iaai Bible 1901 (New Caledonia)

⁵ ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

Roma 9:5 ပူးပေါင်းရင်းမြစ်များ

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

I. Je Than 1:36

Me haba Benaia nöku Jehoiada ame thu ka than, me ha, ka habe, Amen: e na helâ ju e hna ha hnö Iehova, Khongon than a tuhok.

I. Man Ûlabainy Je Than. 16:36

E so he ka haisoi Iehova, Khongu Isaraela. Hwan ehac balu ke ne o but nyiele balua. Ke haba tavat hia ödrin e ha, ka habe, Amen, me ogânâ Iehova.

Salamo 103:19

A hia but Iehova ip hmâ anyin theron hnyi drany; Ke haba dokhon dokhu me ame muso hon ta je ûnyi hia thithö.

Salamo 106:48

E so he ka haisoi Iehova, Khongu Isaraela, Hwân ehac balua ke ne o but nyiele balua. Ke so ame he tavat hia ka ha, ka habe, Amen. Oganö Ja thʼ öbun.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Salamo 45:6

Khong lö, e bi ânyâm theron nyiele balua: Uci ae wisa uciny dokhom dokhu.

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Salamo 89:52

E so he ka haisoi Iehova thö nyiele balua. Amen, me Amen.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 28:6

haingö Jeremia perofeta, ka habe, Amen: e na ânyâ helâ ju e Iehova: e na ohwâdâ ju Iehova hwan hofuc, waleji u je perofeta, he ka ohmeto ka hnyi dok ang ta je omjehen uma umö Iehova, me ta je bâ hia ûheny Babulona.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Luka 20:44

Anyin a wale, a ne ha Davita, ka habe, Than, me ame he ka kâmâu ka nokon bi?

Ioane 10:30

Haba inya me Kamen, me ohmu khaca thibi.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.

Roma 1:25

anyin a adre me wia thö hnathu anyin Khong me me thoi bi, me khudrung me huliwa ka ke ûnyi adre op, kʼ at hna bi At a Up ödra, wale a hnân haisoâ nyiele balua. Amen.

Roma 1:3

ge Nokon, waleji adre hnokoâ ûnyi hnyi mâtrâni Davita hnyi unyin,

Roma 10:12

Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

Roma 11:28

Je iwahnaihmiony ödra me ûthumetu ae so, can öbun: ke haba hnyi hna ûca at, me adre me betenge kodra can lakamen.

I. Korinito 14:16

Ke u je ne he ka ole ge hanu, ame he ka kâmâu ka ha Amen ka ânyâm ole, hnen at adre ca nâ, anyin e ca khana hnâm hna ha?

II. Korinito 11:31

E khana but Khong a Kamen Tuhöta Iesu Keriso, wale a hnân he ka haisoâ nyiele balua, a oge me ca thoi.

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

I. Timoteo 6:15

ke e ame he ka omanenâ e hnyi anyin bi ta je ûen, a e thibi Than a khaca ae tren hnahic, a Tuhan ta je than, ke Taben ta je taben;

II. Timoteo 2:8

Ûnykûmi Iesu Keriso, ûnyi hnyi mâtrâni Davita, a omelö ûnyi hnyi hna mok, hoton anyik ûthumetu ae so:

Heberu 7:24

ke hu gan hanymen at bihut ame ca he ka wia, anyin a e at ae tethmâ nyiele balua.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.

Hna Omanenâ 22:20

Haba at ame ha wia ta je ûnyi eang, me e ame ha, ka habe, Eke: oge me he ka ie o. Amen: Than lö, Iesu, aiö u.

Hna Omanenâ 5:14

Ke haingen vak ta ûnyi ae möt, ka habe, Amen. Me ame ta ju wahingat me khudrung.