Roma 9:4 - Iaai Bible 1901 (New Caledonia)

⁴ ödra at Isaraela; wale adre me wia me me lakon, me e hu gadra hmanenang, me ta je ûhihinyköu, me hna ham hnanyibu, me hmi, me je hna ha bânâ;

Roma 9:4 ပူးပေါင်းရင်းမြစ်များ

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 17:10

Walang anyik ûhihi-nyköu möbun, wale öbun e he ka tuö, me ta je mâtrânâm a hwabâm, ka habe, Adre me he ka peritomonâ ta je baga hia unyibun.

Genese 17:2

Me oge me he ka ûhihinyköu möu, me oge me he ka ti osehia ta je mâtrânâm.

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

I. Je Than 8:11

me me ca khana hnyat bihut he ka tot me huliwa can ûlâ: anyin ame unöngötö uma umo Iehova ge hmanenangi Iehova.

Nehemia 13:29

Khonguk lö, ûnykûmi ödrin ju, anyin ödrin e okongoâ hanymen tavat bihut, me ûhihinyköu anyin tavat bihut, me at Levi.

Salamo 147:19

E ame omanenâ hwan hofuc kö Jekob, Ke anyin ta je hnanyibu me hna owisa kö Isaraela.

Salamo 63:2

Oge hia but ö u hnyi umâm uma ae kap, Mʼ inye he ka wâ manâm man me ânyâm hmanenang.

Salamo 73:1

E HNATHU e so hwakecin Khong kö Isaraela, A tavat ae kalaöt hnyekudra.

Salamo 78:61

Me hna anyin hwege ka hnyi hwenbâ, Ke hmanenanginy ka hnyi hnyamen iwahnaihmiöny.

Salamo 89:3

Oge hia but ûhihinyköu me hnok hna ûca, Oge hia but khemanyin kö Davita athnyabaik, ka habe,

Salamo 89:34

Oge me ca he ka oûnyibaûâ anyik ûhihinyköu, Ke oge me ca he ka wia hofuc ame he but ûnyi hnyi li esongodik.

Salamo 90:16

E so e manen ka lathnyabaem ânyâm huliwa, Me ânyâm hmanenang ka lakudra.

Esodo 12:25

Ke öbun ka o ka hnyi hnyei ame he Iehova ka ham köbun helâ me hnen hna ha bânâ, me öbun e ha ka tuö huliwa eang.

Esodo 34:27

Ke Iehova ame ha kö Mose, ka habe, Sihnalimen ju ta je ûnyi ang: anyin a oge hia but ûhihinyköu möu me at Isaraela hoton je hofuc e.

Esodo 4:22

Ke u me he ka ha kö Farao, ka habe, Haba Isaraela nokuk a atö:

Esodo 40:34

Me haba ûlâ ame tube uma ûkhacaköu, ke haba hmanenangi Iehova ame ounöngötâ uma mano.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 46:3

Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 5:2

ke e ame seû igigilo, me hlo je vetoiny, me tā vine soreka hnyin e, me otilö uma hnân belök wanben e, me si taben hlic vine hnyin minya: me e ame lubahingen he ka wa wan vine, ke ame wa bi wan vineiny hnyot.

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Hosea 11:1

HNYI ûen ae tiga wanakat Isaraela, oge me betenge gan, me hawâ nokuk ûheny Aigupito.

Numera 7:89

Ke hnyi ûen ame didro Mose ka hnyi uma ûkhacaköu he ka ûhnenamö mē, me e ame löng Hwan ame fuc kâu ûheny thö hon taben ibetengiö wale hon tang ohnatho, ûheny hnyi wanben li kerubi: ke e ame fuc kâu.

Mataio 21:33

Long ju ke ûhöûcû; Wale at tuhan uma ame belökö vine, me bi haginy igigilo, me hin thop hnân hlic vine, me otilâ tap ae beû goranyai, me hna ka tavat belök, me e ame he but ka hnyi ke hnyei bi.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Roma 3:2

E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong.

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Roma 9:6

Ke ca helâke ame ûnyi baû hofuc hwan Khong. Anyin a ca tavat Isaraela hia bi ödra hnyi Isaraela:

II. Korinito 11:22

Hawa, ödra at Heberu? helâ minya inya. Hawa, ödra at Isaraela? helâ minya inya. Hâwâ je mâtrâni Aberahama ödra? Helâ minya inya.

Galatia 3:16

Ke adre ha ta je hna ha bânâ kö Aberahama me mâtrâniny. E ame ca ha, ka habe, Ka ta je mâtrân, helâke me se hia; ke helâke me khaca thibi, ka habe, Ka mâtrânâm, wale Keriso.

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Deuteronomi 14:1

ÖBUN je laku Iehova Khongubun: ca be öbun ka kavi öbun bi, ke ca he öbun ka ohadreûâ bademaköbun hnyi wanben li emaköbun adre ânyâ can komok.

Deuteronomi 29:1

WALANG je hofuciny ûhihinyköu, waleji Iehova ame hûna kö Mose he ka ânyâ me lakon Isaraela hnyi hnyei Moaba, ke ca ha bi hna ûhihinyköu mödra hnyi Horeba.

Deuteronomi 29:14

Ke oge me ca hake ânyâ ûhihinyköu ang möbun me khemanyin köbun;

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 4:13

Ke e ame omanenâ köbun anyin ûhihinyköu, waleji e ame hûna köbun he ka ânyâ, a libenyita je hnanyibu, ke e ame sihnalimen hnyi li veto ae lau.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

Heberu 9:1

E HNATHU, haba ûbihinyköu a bân, me e hu hnyin ta je hanymen hmi, me dok ae kap, a wale hnyi hmeledrany.

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

Heberu 9:3

Ke hnyi hoton singiny a loiny hnyeule adre hwenyi ien, ka habe, E ti Kap;

Heberu 9:5

ke e hon e li kerubi ae hmanenang ödru me tot ethö cicö taben ibetengiö; e ca khanʼ öhmun he ka ha wia ta je ûnyi e walang ang.

Heberu 9:6

Ke a hia but penapena helâe ta je ûnyi e, me ame dit bala thö tavat bihut ka hnyi uma menâ a bân, he ka mâdrâ je huliwa;