Roma 9:30 - Iaai Bible 1901 (New Caledonia)

³⁰ Anyin a wale, ieû ate me he ka ha? A gʼ ame hu hwakecin ae wisa ge Aten ta je hnyei, waleji adre me ca hnu hoton hwakecin ae wisa, wale a hwakecin ae wisa hoton labageju:

Roma 9:30 ပူးပေါင်းရင်းမြစ်များ

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Galatia 2:16

e khanʼ öta a gʼ adre me ca haiwisa at ge ta je huliwainy hnanyibu, ke so bi hnen labageju kö Iesu Keriso, öta minya ang tavat otin e labageju kö Keriso Iesu, mʼ adre me he ka hai wisʼ öta hnen labageju ka Keriso, ke ca hnen bi ta je huliwa hnyi hnanyibu: anyin ae ba at me khaca adre me he ka haiwisa hnen ta je huliwa hnyi hnanyibu.

Roma 4:11

ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Galatia 5:5

Anyin ate me halubahingen gejon hnyi hwakecin ae wisa hnen labageju unyi hnyi Hanu.

Roma 10:20

Ke hwege Isaia me haingen, ka habe, Ame ō nya hnen tavat adre me ca elöm nya; Ke oge me manen dut ka tavat adre me ca hnei nya bi.

Roma 10:6

Ke haba hwakecin ae wisa ûnyi hnyi labageju ame ha helâng, ka habe, ca ha bi eû hnyi hnyekom, ka habe, Ie at ame he ka ölö hnyidranyai? (wale he ka hum Keriso but:)

Roma 9:14

Anyin a wale, ieû ate me he ka ha? Hawa e hu unyin Khong hwakecin ae ca wisa bi? Ohe.

Isaia 51:1

LING nya ju öbun tavat öbun e hnu hoton wisa, tavat öbun e elom Iehova: wâ ju kic adre subʼ öbun ûnyi hnyin, me hwanumen thop adre hiny öbun hnyin.

I. Peteru 4:3

Ame ne soju hna ânyâ weny Aten ke je hnyei, hnyi je ûen a hia but, waleji adre me vheno wagelue, me je weny ae kong, me hwen hmiâ waina, me mede, me ta je bijeû ae kong, me hmi ka ta je hnatheat ae ikiki:

I. Timoteo 6:11

Ke haba u, aten Khong lö, kec dö ge ta je ûnyi e; me hnu hoton hwakecin ae wisa, me hwakecin ae ûcû me Khong, me labageju, me ibetengiö, me hok hnyok, me hwakecin ae menyik.

Galatia 3:24

Wale me haba hnanyibu, me hnân at ûne köta he ka lili öta ka Keriso, mʼ adre me he ka haiwisʼ öta ûnyi hnyi labageju.

Galatia 3:8

Ke manen dut ehac hnyi hna sihnalimen a gʼ ame he Khong ka haiwisa Aten je hnyei ûnyi hnyi labageju, ke a khetâ evangelia kö Aberahama, ka habe, Ame he ka hnahic ta je hnyei hia ûnyi gam.

Roma 10:10

anyin a hnyok at ame labageju ke ne o but hnyi hwakecin ae wisa; ke hnyem at ame ha ke ne o but hnyi möt.

Roma 9:31

ke haba at Isaraela adre me hnu hoton hnanyibuiny hwakecin ae wisa, ke adre me ca o bi ka hnyi hnanyibu eling:

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 4:22

Wale me me ha e kâu hnân hwakecin ae wisa.

Roma 4:13

Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

Roma 4:9

Haba hnahic eang, me hnân hobi kâu peritom, kʼ ame ne hobi kâu minya ca peritom? anyin a haingöta, ka habe, Adre me hâiâ labageju anyi Aberahama me hwakecin ae wisa bi.

Roma 3:5

Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.)

Ta je Vejec 21:21

Haba at ame hnu hoton wisa me ibetengiö Me ame wâ möt, me wisa, me ogânâ.

Ta je Vejec 15:9

Hmiö Iehova gethen deny at ae kong: Ke e ame betenge ge tavat adre me vheno wisa.