Roma 9:3 - Iaai Bible 1901 (New Caledonia)

³ Anyin a helâke oge me wek la, a gʼ adre me he ka ovesei nya me Keriso can je liamekeiny mönya, wale je lahanök hoton unyin:

Roma 9:3 ပူးပေါင်းရင်းမြစ်များ

Genese 29:14

Ke haingö Labana kâu, ka habe, E hnathu u hanen jeiök, me hanen utiöik. Ke khaca tehi ödru me tha laba hnyin.

II. Samuela 18:33

Ke ame hmak hmonyin than, me ölö ka hnyi hnyeule hon homagöule, me tenge: ke e ame he kʼ ame ha helâng, ka habe, Ekölö ge nökuk Abasoloma, e köiö ge nökuk, nökuk Abasoloma! Ekölö, iny na mokcu me hwabâm, Ekölö Abasoloma, nökuk, nökuk!

Esetera 8:6

anyin oge me he ka kâmâu ka wâ hna okongoâ ame o ka hnyi hon ik hnyei? ke oge me he ka kâmâu ka wâ hnödra hna he ka ohia lahanök?

Esodo 32:32

Ke walang ang, u je ne he ka ikhâlâ anyidra hulö—; ke ame ne ba ö u na he ka kot degeci nya ûnyi hnyi ânyâm tusi u je sihnalimen.

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Ta je huliwa 22:5

Wale ae khana at bihut ae nua me wahingat hia he ka ohnathu nya; ke oge me kap je tusi gadra hnân hobi kâu je liamekeiny, me he but Damaseko ai, he ka cʼ ödra me hum ödra Jerusalema ai he ka bi hwaban kodra.

Ta je huliwa 28:21

Me adre me ha, ka habe, Öhmun e ca kap je tusi gam ûnyi ge at Juda, ke ba minya ke at ge je liamekeiny ame o me haimemenâ me ha ke monu gam.

Roma 1:3

ge Nokon, waleji adre hnokoâ ûnyi hnyi mâtrâni Davita hnyi unyin,

Roma 11:1

ANYIN a wale, inya oge me ha, ka habe, Hawa, a hia but Khong degec lakeiny? Ohe. Anyin a inya at Isaraela minya, ûnyi hnyi mâtrâni Aberahama, ke hanen tribu Beniamina.

Roma 11:14

me heleû deny he ka oihu-nyinköuâ lahanök, me omelö keihen gadra a ne khana.

Roma 16:11

Anyik talofa kö Herodiona a liamekeiny mönya. Anyik talofa ködrin hnyi lap anyi Nakiso, a ödrin unyin Than.

Roma 16:21

Ame italofa möbun Timoteo at ame tha huliwa mönya; me Lukio, me Jasona, me Sosipatero je liamekeiny mönya.

Roma 16:7

Anyik talofa kö Anedroniko, me Junia, a li liamekeiny mönya, li at adre tha cʼ ödru mönya, li at ae lung unyin je aposetolo, a hodru unyin Keriso ka bilik bi.

Roma 9:2

ka habe, iny vec gan hmâ, ke hlöuhlöu bala bi hnyekuk.

I. Korinito 12:3

Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

II. Korinito 12:15

Ke oge me he ka sēnyin he ka ohia omjehek, me ohiö nya minya hobi kâu je hanubun. Ke oge ne hnyok gânâ köbun, hawa, ame he ka ûhnyûkong hnobun hna hnyok könya?

Galatia 1:8

Ke öhmun e ne he, ke ame ne ke angela bi ûheny hnyi drany ka khetâ ke evangelia köbun bi, waleji öhmun e ca khetâ köbun, me so he ka anathema e.

Galatia 1:9

Inya oge me ha hmetu walang ang, helâji me hnöhmun hna labö ha, ka habe, A ne he ke at ka khetâ köbun ke evangelia bi, wale öbun e ca kap, me so he ka anethema e.

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Efeso 6:5

Haba öbun je athnyaba, long ju hoton tavat adre me musi öbun hnyi unyin, ge ot me öbubuny hnyi hnyekubun ae hnathu, helâ me ka Keriso;

Deuteronomi 21:23

kʼ ame ca he ka hnen unyin hon ûö hnyi hnyinghet, ke u me he ka konâm e hnyi bong eling; anyin a hnaûhangö ka Khong at adre uhno; me u me ca he ka okongoâ kânâm kânâ hnö Iehova Khongom hna ham köu me em.

I. Samuela 14:24

Ke a vec ut Isaraela hnyi bong eling: ke haba Saulo ame thawâ hwegiâ tavat, me ha, ka habe, Hnaûhango a ame he ka han ke ne o but sahac, me inye me hia thö bi hwaban ka je iwahnaihmiöny mönya. Ke ame ca han bi tavat hia.

I. Samuela 14:44

Ke haingö Saulo, ka habe, Ame he Khong ka ânyâ helâe me bi hanen ke e hnathu u me he ka mok, Jonathana.